كولىكتەگى پوليسيا دەپارتامەنتىنىڭ مالىمەتىنشە، 2024 جىلدىڭ باسىنان بەرى پويىزدار مەن اۋە رەيستەرىنەن 900 جولاۋشى ءتۇرلى قۇقىقبۇزۋشىلىقتار ءۇشىن تۇسىرىلگەن، دەپ حابارلايدى Dalanews.kz.
2 قىركۇيەكتە الماتى حالىقارالىق اۋەجايىندا 18 جاستاعى وزبەكستان ازاماتى اۋە تىركەۋ ورنىندا «باگاجىمدا اتوم بومباسى بار» دەپ قالجىڭداعان.
ول اكىمشىلىك جاۋاپكەرشىلىككە تارتىلىپ، 20 اەك (78 640 تەڭگە) كولەمىندە ايىپپۇل سالىنعان.
"شەتەلدىك ازامات ۇساق بۇزاقىلىق ءۇشىن جازالاندى"، - دەپ مالىمدەدى كولىك پوليسياسى.
پوليسەيلەر مۇنداي ارەكەتتەردىڭ سالدارى اۋىر بولاتىنىن كوپشىلىك بىلە بەرمەيتىنىن ايتادى.
"كولىكتەگى جاعدايدى دەستابيليزاسيالاۋ نەمەسە قورقىتۋ ارەكەتتەرى زاڭ بويىنشا اۋىر قىلمىس بولىپ سانالادى، كىنالىلەر مىندەتتى تۇردە جاۋاپقا تارتىلادى"، - دەلىنگەن رەسمي حابارلامادا.
جىل باسىنان بەرى 900 جولاۋشى اكىمشىلىك ەرەجە بۇزعانى ءۇشىن پويىزدار مەن اۋە رەيستەرىنەن تۇسىرىلگەن. ەڭ كوپ كەزدەسەتىن زاڭبۇزۋشىلىقتار – سپيرتتىك ىشىمدىك ءىشۋ، قوعامدىق ورىنعا ماس كۇيدە شىعۋ، ۇساق بۇزاقىلىق جانە ۆاگوندا شىلىم شەگۋ.
