Almaty áýejaıynda esirtkige mas bolǵan Air Astana ushqyshy ustalǵany týraly aqparat paıda boldy. Atalmysh jaǵdaıǵa baılanysty avıakompanıa túsinikteme berdi, dep habarlaıdy Dalanews.kz.
Jelide taratylǵan aqparatqa sáıkes, ishki reısterdiń ushý aımaǵynda polısıa qyzmetkerleri ekinshi ushqyshty ustady. 31 jastaǵy er adam mefedrondy tutynǵan jáne saqtaǵan kórinedi.
"Avıakompanıanyń ushqyshy 2024 jyldyń 23 sáýirinde Almaty áýejaıynda ustalyp, esirtkige mas kúıinde jolaýshy retinde ushyp ketti", – dep túsindirdi avıakompanıa.
Qazir polısıa sotqa deıingi tergeý júrgizýde.
"Bul qyzmetker jumystan shettetildi. Avıakompanıa qyzmetkerlerdiń alkogóldi nemese esirtkini paıdalanýyna qarsy. Sebebi, ushý qaýipsizdigi bizde birinshi orynda. Avıakompanıada ekıpajdardyń qanynda alkogól nemese esirtki zattarynyń bolýyna turaqty negizde testileý júrgiziledi", - deıdi Air Astana.
Eske salaıyq, osyǵan uqsas oqıǵa 2016 jyly da oryn alǵan bolatyn. Atalmysh áýe kompanıanyń ushqyshy Almaty áýejaıynda esirtkimen ustalyp, jumystan shyǵarylǵan edi.
