Bul sheshim Almaty qalasy máslihatynyń kezekten tys sessiiasynda qabyldandy, dep habarlaidy Almatydaǵy BAQ.KZ tilshisi.
Almatyda qalalyq máslihattyń kezekten tys XVI sessiiasy ótti. Depýtattar aldynda baiandama jasaǵan Almaty qalasy Jumyspen qamtý jáne áleýmettik baǵdarlamalar basqarma basshysy Baýyrjan Jaýbasov Ekinshi dúniejúzi soǵysy ardagerlerine tólenetin bir rettik tólem mólsherin kóbeitýdi usyndy.
Almaty qalasy máslihatynyń buryn bekitilgen sheshimi boiynsha Ekinshi dúniejúzi soǵysy ardagerlerine 1 million teńge kóleminde bir rettik kómek beriletin. Ótken jyly aitylǵan kómekti 56 ardager aldy. Qazirgi ýaqytta Almaty qalasynyń aýmaǵynda 44 ardager ómir súrip jatyr. Osy oraida Almaty qalasy ákiminiń tapsyrmasymen bir rettik tólem mólsherin 2 millionǵa deiin ósirýdi usynamyn, – dedi Baýyrjan Jaýbasov.
Máslihat depýtattary ortaǵa salynǵan usynysty qoldap, biraýyzdan sheshim qabyldady. Jeńistiń 79 jyldyǵyna orai biyl almatylyq ardagerlerge 2 million teńge tólenetin bolady.
