Prezident Qasym-Jomart Toqaev Almaty qalasynyń ákimin qabyldady, dep habarlaidy Dalanews.kz.
Memleket basshysyna qalanyń áleýmettik-ekonomikalyq damýy, sondai-aq negizgi qala qurylysy men infraqurylym jobalarynyń júzege asyrylýy týraly baiandaldy.
Darhan Satybaldy:
- byltyr qysqa merzimdi ekonomikalyq indikator 12,8 paiyzǵa kóterilgenin aitty.
Memleket biýdjetine 6,6 trillion teńge salyq pen mindetti tólemder túsken.
- qalanyń birneshe ortalyǵyn damytýǵa baǵyttalǵan jańa strategiialyq bastamalardy tanystyrdy.
Atalǵan tujyrymdama aiasynda zamanaýi IT-infraqurylym, kópfýnktsionaldy iskerlik keshender, sondai-aq turǵyndardyń demalysy úshin abattandyrylǵan rekreatsiialyq aimaqtar jasaqtalady. Iaǵni bul jurtshylyq jii baratyn oryndarǵa ainalady.
Almaty qalasynyń zamanaýi kólik júiesin qalyptastyrý jóninde málimet berdi.
Júrdek qoǵamdyq kólik júielerin damytý turǵyndardyń júrip-turýyna qolaily jaǵdai jasap, qalany ornyqty damytýdyń negizgi faktory bolmaq.
Almatynyń Bas josparynda aýanyń erkin ainalymyn qamtamasyz etýdi, shahardyń joǵary jáne ortalyq bólikterindegi shamadan tys tyǵyz qurylysty tejeýdi, sondai-aq jasyl jelektiń aýmaǵyn úsh esege – 3 800 gektarǵa deiin ulǵaitýdy kózdeitin sheshimder qarastyrylǵanyn jetkizdi.
2025 jyly qala kósheleri sapaly jaryqtandyrylyp, qýaty eki ese artqany jóninde baiandady.
Budan bólek, qalany abattandyrý, kógaldandyrý, qoǵamdyq keńistikterdi bezendirýdiń biryńǵai standartyna sáikes saiabaqtar men kóshelerdi jańǵyrtý sharalary josparlanǵan.
Almaty taý klasteri jobasyn daiyndaý jaiynda esep berdi.
Qazirgi kezde «Medeý» bazalyq stantsiiasy arqyly «Shymbulaq» jáne «Oi-Qaraǵai» kýrorttaryn biriktirýdi kózdeitin tehnikalyq-ekonomikalyq negizdemeni ázirleý jumystary aiaqtalyp qaldy.
Atalǵan jobany júzege asyrý nátijesinde aspaly joldardyń sany 16-dan 62-ge deiin kóbeiedi, taý shańǵysy trassalary 250 shaqyrymnan asa uzarady, al demalys aimaqtary táýligine 40 myń adamǵa deiin qabyldai alatyn deńgeige jetedi.
Memleket basshysy:
Almaty qalasynyń ekonomikasyn odan ári ártaraptandyrý, ekologiialyq jaǵdaiyn jaqsartý, qalanyń ornyqty kólik jáne týristik infraqurylymyn qalyptastyrý, sondai-aq qala ortasynyń sapasy men turǵyndardyń turmys deńgeiin arttyrý jóninde birqatar tapsyrma berdi.
