«Taza Qazaqstan» jalpy respýblikalyq baǵdarlamasy aiasynda 2025 jyly Almatyda qatty turmystyq qaldyqtardy (QTQ) jinaý boiynsha infraqurylym tolyǵymen jańarady. Bul týraly Almaty ákimi Erbolat Dosaev qalalyq máslihattyń 2025-2027 jyldarǵa arnalǵan biýdjeti qabyldanǵan sessiiasy barysynda aitty, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
QTQ infraqurylymyn jańǵyrtýdyń aýqymdy jobasy ekologiialyq jaǵdaidy jaqsartýǵa, qala turǵyndarynyń jailylyǵyn arttyrýǵa jáne sanitarlyq tazalaýdyń zamanaýi standarttaryna sáikes kelýge baǵyttalǵan. Modernizatsiianyń negizgi kezeńderiniń biri-jaǵymsyz iisterdiń paida bolýyna jáne qustardyń nemese qańǵybas janýarlardyń qol jetimdiligine jol bermeitin tereńdetilgen konteinerlerdiń sanyn kóbeitý (kólemi 3 m3).
Búgingi tańda Almatyda 1 454 konteiner alańynda ornalasqan 8 myńnan astam konteiner qoldanysta. 2023 jyly 42 alańda 214 konteiner ornatyldy, aǵymdaǵy jyly mundai konteinerler sany 786 birlikke ósti. 2025 jyly 581 alańǵa taǵy 1 683 konteiner ornatylady.
Taǵy bir kezeń - plastikalyq eýrokonteinerlerdi satyp alý: 2024 jyly kólemi 1,1 m3 bolatyn 1 800 konteiner satyp alyndy, 2025 jyly taǵy 1 000 konteiner satyp alý josparlanýda.
– Qalada 2012 jyly qurylǵan QTQ jinaý infraqurylymynyń ábden tozýy jáne "moraldyq" eskirýi baiqalady. Sondyqtan, 2023 jyldan bastap onybarynsha jańǵyrtý júrgizilýde. Qazirdiń ózinde 1 myń tereńdetilgen konteiner men 1,8 myń eýrokonteiner jańartyldy. 2025 jyly taǵy 2,7 myń jańa konteiner ornatý arqyly qala boiynsha barlyq konteinerlik alańdardy tolyq jańǵyrtý aiaqtalady, – dedi Erbolat Dosaev.
Sonymen qatar, qoqys tasityn kólikterdiń kúndelikti jelige shyǵýy 2023 jylǵy 70%-dan 2024 jyly 85%-ǵa deiin ósti, 2025 jyly 95%-ǵa deiin jetkiziledi.
Osylaisha, 2025 jyly jańartylǵan konteinerlik alańdardyń úlesi 100% - ǵa jetedi. Bul sharalar qaldyqtardy jinaý tiimdiligin arttyryp qana qoimai, qoqysty bólek jinaý jáne qaita óńdeý qaǵidattaryn odan ári engizý úshin jaǵdai jasaýǵa múmkindik beredi.
