Almaty qalasy Týrizm basqarmasy “Shymbulaq” taý-shańǵy kýrortyndaǵy baǵa ósimine qatysty Dalanews.kz joldaǵan resmi saýalǵa jaýap berdi.
Vedomstvonyń málimdeýinshe, kýrorttaǵy tarifterdi memlekettik organdar tikelei rettei almaidy.
“Almaty qalasyndaǵy negizgi týristik nysandar (Medeý, Shymbulaq, Kóktóbe jáne t.b.) negizinen jeke menshikke tiesili. Qazaqstan Respýblikasynyń Azamattyq kodeksine sáikes jeke menshik nysandarynyń qyzmeti zańmen retteledi, sondyqtan memlekettik organdar olardyń ishki jumysyna tikelei aralasa almaidy”, - delingen jaýapta.
Basqarma "Shymbulaq" siiaqty jekemenshik týristik nysandardyń baǵa saiasaty mekemeniń ishki kommertsiialyq sheshimderine jatatynyn atap ótti.
“Qazaqstan Respýblikasynyń Azamattyq kodeksine sáikes, jeke menshik uiymdar usynatyn qyzmetterdiń qunyn ózderi aiqyndaidy. Osyǵan orai, Týrizm basqarmasynyń baǵalardy tikelei retteý nemese baqylaý ókilettigi qarastyrylmaǵan”, - dedi olar.
Aitýlarynsha, Týrizm basqarmasy óz qyzmetin Almaty ákimdigi bekitken Ereje negizinde júzege asyrady.
“Bul Ereje basqarmanyń strategiialyq baǵyttaryn aiqyndap, qalanyń týristik tartymdylyǵyn arttyrý, imidjin ilgeriletý jáne týristik infraqurylymdy damytýǵa baǵyttalǵan jumystardy qamtidy.
Basqarmanyń qyzmeti "Týristik qyzmet týraly" 2001 jylǵy № 211 Zańy men Qazaqstan Respýblikasynyń basqa da normativtik-quqyqtyq aktilerimen retteledi. Atalǵan zańnyń 8-babynda týrizmdi damytýǵa járdemdesý, qolaily jaǵdailar jasaý jáne týristik salanyń turaqty damýyn qamtamasyz etý qaǵidattary belgilengen”, — dep habarlady basqarma.
Baǵaǵa aralasý quzyreti joq
“Shymbulaq” siiaqty týristik nysandardaǵy tarifter mekemeniń ózi qabyldaityn kommertsiialyq sheshimderge jatady. Týrizm basqarmasynyń aitýynsha, vedomstvo tek salalyq monitoring júrgizedi, týristik úrdisterdi, qyzmet kórsetý sapasyn, suranys pen usynys deńgeiin taldaidy. Alaida bul monitoring baǵany baqylaý nemese retteýdi kózdemeidi.
Týristik júkteme jyl saiyn ósip keledi
Basqarma sońǵy jyldary “Shymbulaqqa” kelýshiler sany aitarlyqtai artqanyn da atap ótti. Demalys jáne mereke kúnderi kýrortqa táýligine 15 myńnan astam adam keletin kezder jiilegen.
“Mundai júkteme infraqurylymǵa, qyzmet kórsetý sapasyna jáne qaýipsizdik sharalaryna qosymsha talap qoiady”, - delingen resmi jaýapta.
Buǵan deiin
Eske salaiyq, buǵan deiin áleýmettik jelilerde “Shymbulaq” taý-shańǵy kýrortyndaǵy baǵanyń shekten tys qymbattaýyna qatysty shaǵymdar jiilegenin málimdegen edik.
Paidalanýshylardyń aitýynsha, biylǵy maýsymdyq abonement baǵasy 550 myń teńgege jetken. Al ótken maýsymda onyń quny shamamen 360 myń teńge bolǵan.
Baǵaǵa qatysty narazylyq tek abonementpen shektelmedi. Kýrort aýmaǵyndaǵy qoǵamdyq tamaqtaný oryndarynyń tarifteri de kópshiliktiń ashýyn týǵyzdy. Jelide taraǵan videolardyń birinde bir staqan shaidyń 5 myń teńgeden satylǵany kórsetilgen.
Bul videolar qoǵamda qyzý talqy týdyryp, paidalanýshylar baǵa saiasatyn qaita qaraýdy talap etken edi.
Shymbulaq ákimshiligi ne deidi?
Daýly máselege qatysty Shymbulaq ákimshiligi resmi jaýap berdi. Olardyń aitýynsha, jańa maýsymǵa arnalǵan baǵa tizimi áli naqty bekitilmegen.
“6 jeltoqsanda maýsymnyń resmi ashylýy josparlanǵan. Sol kúnge qarai jańa maýsymǵa arnalǵan baǵa tizimi belgili bolady”, — dep jaýap berdi.
Alaida abonement baǵasynyń nege óskeni jáne kommertsiialyq núktelerdegi baǵa saiasaty qalai retteletini týraly naqty túsinikteme berilgen joq.
