Almaty ákimdigi qalany jarnamalaýǵa sheteldik blogerlerdi shaqyryp, qyrýar qarjy bólgen, - dep habarlaidy Dalanews.kz Bes.media-ǵa siltep.
Ákimdik sheteldik blogerlerdiń qyzmetine 89 285 710 teńge bólgen. Sheteldik blogerler qalany jarnamalap, jazbalap men videolar jariialaýy qajet.
50 bloger ár maýsym saiyn Almatyǵa keledi. Olarǵa qalanyń kórikti jáne týristik jerleri kórsetilip, oiyn-saýyq uiymdastyrylyp, kádesyilar beriledi.
Tehnikalyq sipattamaǵa sáikes, blogerlerge mynandai talaptar qoiylady:
- olar BAÁ, Saýd Arabiiasy, Túrkiia, Qatar, Ulybritaniia, Germaniia, Frantsiia, Italiia, Ispaniia, Singapýr, Ońtústik Koreia, Qytai men Malaiziiadan kelýi kerek;
- Blogerler Travel, Food Blog nemese Lifestyle baǵytynda blog júrgizýi kerek;
- Instagram, Facebook, YouTube, TikTok jáne Weibo jelilerinde blog júrgizýi kerek;
- Aýditoriiasy keminde 300 myń oqyrman bolýy kerek jáne jazbalaryn keminde 500 myń adam kórýi qajet;
- Aýditoriiasy 23-45 jastaǵy adamdar bolýy qajet.
Ákimdikke qandai talaptar qoiylady?
- blogerlerge týrdy ár maýsym saiyn tórt ret uiymdastyrýy qajet;
- blogerlerdi 10-ǵa bólý qajet;
- árqaisyn áýejaidan kútip alyp, yńǵaily kólikpen 4 nemese 5 juldyzdy qonaqúige ornalastyrýy qajet;
- tamaqtandyryp, kúni boiy sýmen jáne tiskebasarmen qamtamasyz etý kerek;
- meditsinalyq saqtandyrý jasap, aýa raiy buzylǵan jaǵdaida qolshatyr berip, kún ysyp ketse kúnnen qorǵaityn SPF-50 krem berý kerek;
- oiyn-saýyq uiymdastyryp, kádesyi syilaý qajet.
