الماتى اكىمدىگى قالانى جارنامالاۋعا شەتەلدىك بلوگەرلەردى شاقىرىپ، قىرۋار قارجى بولگەن، - دەپ حابارلايدى Dalanews.kz Bes.media-عا سىلتەپ.
اكىمدىك شەتەلدىك بلوگەرلەردىڭ قىزمەتىنە 89 285 710 تەڭگە بولگەن. شەتەلدىك بلوگەرلەر قالانى جارنامالاپ، جازبالاپ مەن ۆيدەولار جاريالاۋى قاجەت.
50 بلوگەر ءار ماۋسىم سايىن الماتىعا كەلەدى. ولارعا قالانىڭ كورىكتى جانە تۋريستىك جەرلەرى كورسەتىلىپ، ويىن-ساۋىق ۇيىمداستىرىلىپ، كادەسىيلار بەرىلەدى.
تەحنيكالىق سيپاتتاماعا سايكەس، بلوگەرلەرگە مىنانداي تالاپتار قويىلادى:
- ولار ءباا، ساۋد ارابياسى، تۇركيا، قاتار، ۇلىبريتانيا، گەرمانيا، فرانسيا، يتاليا، يسپانيا، سينگاپۋر، وڭتۇستىك كورەيا، جۇڭگو مەن مالايزيادان كەلۋى كەرەك؛
- بلوگەرلەر Travel، Food Blog نەمەسە Lifestyle باعىتىندا بلوگ جۇرگىزۋى كەرەك؛
- Instagram، Facebook، YouTube، TikTok جانە Weibo جەلىلەرىندە بلوگ جۇرگىزۋى كەرەك؛
- اۋديتورياسى كەمىندە 300 مىڭ وقىرمان بولۋى كەرەك جانە جازبالارىن كەمىندە 500 مىڭ ادام كورۋى قاجەت؛
- اۋديتورياسى 23-45 جاستاعى ادامدار بولۋى قاجەت.
اكىمدىككە قانداي تالاپتار قويىلادى؟
- بلوگەرلەرگە تۋردى ءار ماۋسىم سايىن ءتورت رەت ۇيىمداستىرۋى قاجەت؛
- بلوگەرلەردى 10-عا ءبولۋ قاجەت؛
- ءارقايسىن اۋەجايدان كۇتىپ الىپ، ىڭعايلى كولىكپەن 4 نەمەسە 5 جۇلدىزدى قوناقۇيگە ورنالاستىرۋى قاجەت؛
- تاماقتاندىرىپ، كۇنى بويى سۋمەن جانە تىسكەباسارمەن قامتاماسىز ەتۋ كەرەك؛
- مەديسينالىق ساقتاندىرۋ جاساپ، اۋا رايى بۇزىلعان جاعدايدا قولشاتىر بەرىپ، كۇن ىسىپ كەتسە كۇننەن قورعايتىن SPF-50 كرەم بەرۋ كەرەك؛
- ويىن-ساۋىق ۇيىمداستىرىپ، كادەسىي سىيلاۋ قاجەت.
