Almaty ákimdigi el Táýelsizdiginiń 30 jyldyǵyna BAQ arasynda baiqaý jariialady
Baiqaýda 2021 jyly BAQ-ta jariialanǵan, QR Táýelsizdik kezeńindegi megapolis damýynyń túrli baǵyttaryn, onyń ishinde almatylyqtar men qalanyń bilim, ǵylym, ekonomika, mádeniet salalarynyń jalpy damýyndaǵy mańyzy men rólin, sondai-aq Táýelsizdik kezeńindegi megapolistiń jaqsarý jáne damý dinamikasy jónindegi materialdar qaralatyn bolady.
«Qazaqstan Respýblikasynyń Táýelsizdigin qalyptastyrý men nyǵaitýdaǵy Almaty men almatylyqtardyń jetistikteri men róli» taqyrybyn úzdik jariialaǵan jeńimpazdar anyqtalyp, kelesi sanattar boiynsha marapattalady:
- úzdik reportaj / siýjet;
- úzdik jańalyqtar / saraptamalyq material;
- úzdik fotomaterial.
Bulardan basqa, kelesi taqyryptardy qamtý úshin arnaiy nominatsiialar qarastyrylǵan:
- Almaty qalasynyń COVID-19-ǵa qarsy kúresi jáne halyqty vaktsinalaý týraly úzdik material;
- Almatydaǵy oń ózgeristerge, áleýmettik infraqurylymdy damytý jáne abattandyrý salasyna arnalǵan úzdik material;
- Almatyda sybailas jemqorlyqqa qarsy mádenietti qalyptastyrýǵa baǵyttalǵan úzdik material.
Joǵaryda atalǵan barlyq nominatsiialar boiynsha materialdar memlekettik jáne orys tilderinde qabyldanady. Ár nominatsiia boiynsha jeńimpazdar baǵaly syilyqtarmen marapattalady.
Ótinimder aǵymdaǵy jyldyń 30 qarashasyna deiin qabyldanady. baiqaýǵa qatysý úshin materialdardy elektrondyq mekenjaiyna jiberý qajet: info@rsk.almaty.kz, delcom21@mail.ru «baiqaýǵa qatysý úshin» belgisimen. Ótinimderdi redaktsiia nemese avtor atynan berýge bolady. Bir avtor 3-ten kóp emes materialdardy usyna alady.
Baiqaýdyń qorytyndylaryn táýelsiz saraptamalyq konkýrstyq komissiia biylǵy jyldyń jeltoqsan aiynda shyǵarady.
Suraqtar boiynsha myna nómirge habarlasýǵa bolady: +7 (708) 973 46 55.
