بايقاۋدا 2021 جىلى باق-تا جاريالانعان، ق ر تاۋەلسىزدىك كەزەڭىندەگى مەگاپوليس دامۋىنىڭ ءتۇرلى باعىتتارىن، ونىڭ ىشىندە الماتىلىقتار مەن قالانىڭ ءبىلىم، عىلىم، ەكونوميكا، مادەنيەت سالالارىنىڭ جالپى دامۋىنداعى ماڭىزى مەن ءرولىن، سونداي-اق تاۋەلسىزدىك كەزەڭىندەگى مەگاپوليستىڭ جاقسارۋ جانە دامۋ ديناميكاسى جونىندەگى ماتەريالدار قارالاتىن بولادى.
«قازاقستان رەسپۋبليكاسىنىڭ تاۋەلسىزدىگىن قالىپتاستىرۋ مەن نىعايتۋداعى الماتى مەن الماتىلىقتاردىڭ جەتىستىكتەرى مەن ءرولى» تاقىرىبىن ۇزدىك جاريالاعان جەڭىمپازدار انىقتالىپ، كەلەسى ساناتتار بويىنشا ماراپاتتالادى:
- ۇزدىك رەپورتاج / سيۋجەت؛
- ۇزدىك جاڭالىقتار / ساراپتامالىق ماتەريال؛
- ۇزدىك فوتوماتەريال.
بۇلاردان باسقا، كەلەسى تاقىرىپتاردى قامتۋ ءۇشىن ارنايى نوميناسيالار قاراستىرىلعان:
- الماتى قالاسىنىڭ COVID-19-عا قارسى كۇرەسى جانە حالىقتى ۆاكسينالاۋ تۋرالى ۇزدىك ماتەريال؛
- الماتىداعى وڭ وزگەرىستەرگە، الەۋمەتتىك ينفراقۇرىلىمدى دامىتۋ جانە اباتتاندىرۋ سالاسىنا ارنالعان ۇزدىك ماتەريال؛
- الماتىدا سىبايلاس جەمقورلىققا قارسى مادەنيەتتى قالىپتاستىرۋعا باعىتتالعان ۇزدىك ماتەريال.
جوعارىدا اتالعان بارلىق نوميناسيالار بويىنشا ماتەريالدار مەملەكەتتىك جانە ورىس تىلدەرىندە قابىلدانادى. ءار نوميناسيا بويىنشا جەڭىمپازدار باعالى سىيلىقتارمەن ماراپاتتالادى.
وتىنىمدەر اعىمداعى جىلدىڭ 30 قاراشاسىنا دەيىن قابىلدانادى. بايقاۋعا قاتىسۋ ءۇشىن ماتەريالداردى ەلەكتروندىق مەكەنجايىنا جىبەرۋ قاجەت: info@rsk.almaty.kz، delcom21@mail.ru «بايقاۋعا قاتىسۋ ءۇشىن» بەلگىسىمەن. وتىنىمدەردى رەداكسيا نەمەسە اۆتور اتىنان بەرۋگە بولادى. ءبىر اۆتور 3-تەن كوپ ەمەس ماتەريالداردى ۇسىنا الادى.
بايقاۋدىڭ قورىتىندىلارىن تاۋەلسىز ساراپتامالىق كونكۋرستىق كوميسسيا بيىلعى جىلدىڭ جەلتوقسان ايىندا شىعارادى.
سۇراقتار بويىنشا مىنا نومىرگە حابارلاسۋعا بولادى: +7 (708) 973 46 55.
