Almaly aýdanynda 66 aýlanyń kúrdeli jóndeý jumystary aiaqtalady
Aýdan basshysy aýla aýmaqtaryn abattandyrý ǵana emes, turǵyndardyń jaily ómir súrýi úshin jaǵdaidy jaqsartý mańyzdy ekenin atap ótti.
Erjan Seitenovtiń aitýynsha, aýdanda 1 395 kópqabatty turǵyn úi bar. Onyń ústine «Nurly jer» baǵdarlamasynyń arqasynda 37 úide 102 lift jabdyǵy jańartyldy.
Sonymen qatar, Shevchenko kóshesindegi turǵyn úidiń shatyry men qasbetterin kúrdeli jóndeý jumystary aiaqtaldy, bes kópqabatty turǵyn úidi kúrdeli jóndeý jumystary júrgizilýde. Shatyrlar men injenerlik jeliler aýystyrylyp, ǵimarattardyń qasbeti ózgertilýde.
– Biyl josparlanǵan jóndeý jumystarynyń ishinde 12 kópqabatty úilerdiń 10 úiiniń qasbetteri jóndeldi, qalǵan eki úidi osy aida aiaqtaimyz, – dedi Erjan Seitenov.
Aýdan ákimi kúzde aiaqtalýy josparlanǵan 66 aýla aýmaǵynda kúrdeli jóndeý jumystarynyń júrip jatqanyn aitty.
