المالى اۋدانىندا 66 اۋلانىڭ كٷردەلٸ جٶندەۋ جۇمىستارى اياقتالادى
اۋدان باسشىسى اۋلا اۋماقتارىن اباتتاندىرۋ عانا ەمەس, تۇرعىنداردىڭ جايلى ٶمٸر سٷرۋٸ ٷشٸن جاعدايدى جاقسارتۋ ماڭىزدى ەكەنٸن اتاپ ٶتتٸ.
ەرجان سەيتەنوۆتٸڭ ايتۋىنشا, اۋداندا 1 395 كٶپقاباتتى تۇرعىن ٷي بار. ونىڭ ٷستٸنە «نۇرلى جەر» باعدارلاماسىنىڭ ارقاسىندا 37 ٷيدە 102 ليفت جابدىعى جاڭارتىلدى.
سونىمەن قاتار, شەۆچەنكو كٶشەسٸندەگٸ تۇرعىن ٷيدٸڭ شاتىرى مەن قاسبەتتەرٸن كٷردەلٸ جٶندەۋ جۇمىستارى اياقتالدى, بەس كٶپقاباتتى تۇرعىن ٷيدٸ كٷردەلٸ جٶندەۋ جۇمىستارى جٷرگٸزٸلۋدە. شاتىرلار مەن ينجەنەرلٸك جەلٸلەر اۋىستىرىلىپ, عيماراتتاردىڭ قاسبەتٸ ٶزگەرتٸلۋدە.
– بيىل جوسپارلانعان جٶندەۋ جۇمىستارىنىڭ ٸشٸندە 12 كٶپقاباتتى ٷيلەردٸڭ 10 ٷيٸنٸڭ قاسبەتتەرٸ جٶندەلدٸ, قالعان ەكٸ ٷيدٸ وسى ايدا اياقتايمىز, – دەدٸ ەرجان سەيتەنوۆ.
اۋدان ەكٸمٸ كٷزدە اياقتالۋى جوسپارلانعان 66 اۋلا اۋماعىندا كٷردەلٸ جٶندەۋ جۇمىستارىنىڭ جٷرٸپ جاتقانىن ايتتى.
