Almatyda Allur kompanıasynyń quramyndaǵy MG brendiniń jańa dılerlik ortalyǵy ashyldy. Bul oqıǵa Qazaqstan men Qytaı arasyndaǵy óndiristik jáne ekonomıkalyq áriptestiktiń jańa kezeńin aıqyndap, eldiń avtokólik naryǵynyń damýyna serpin berdi. Sonymen qatar saladaǵy halyqaralyq yntymaqtastyqtyń nyǵaıýyna yqpal etken mańyzdy qadam boldy, dep habarlaıdy Dalanews.kz.

Shara qalaı ótti?

Almatynyń Maılın kóshesinde ornalasqan jańa avtoortalyqtyń ashylý rásimi resmı ári mazmundy baǵdarlama aıasynda ótti. İs-sharaǵa Allur jáne SAIC Motor kompanıalarynyń basshylyǵy, Shanhaı meri men el úkimetiniń delegasıasy, Almaty qalasy ákimdiginiń ókilderi qatysty.

Resmı bólimde halyqaralyq seriktester minberge shyǵyp, sóz sóıledi.

SAIC Motor kompanıasynyń tóraǵasy Van Sáosú óz sózinde Qazaqstan naryǵynyń mańyzyna erekshe toqtaldy.

“Búgin biz MG brendi úshin Qazaqstanda jańa tarıhı kezeńdi bastap otyrmyz. Bul – bizdiń elderimiz arasyndaǵy yntymaqtastyqty nyǵaıtatyn mańyzdy qadam. MG – júz jyldan astam tarıhy bar brend. Búginde ol brıtandyq murany saqtaı otyryp, SAIC Motor kompanıasynyń zamanaýı tehnologıalarymen tolyqqan”, - dedi ol.

Sondaı-aq ol Qazaqstannyń kompanıa úshin strategıalyq turǵydan basym baǵyttardyń biri ekenin jetkizdi.

“Allur kompanıasymen birlesip biz jergilikti óndiristi iske qosyp, modelderdi osy eldiń tutynýshylarynyń suranysyna beıimdeı aldyq. Bul – bizdiń uzaq merzimdi seriktestiktiń naqty nátıjesi.

Aldaǵy ýaqytta da biz Qazaqstandaǵy tutynýshylarǵa ozyq tehnologıalarmen jabdyqtalǵan jańa modelderdi usynyp, joǵary deńgeıdegi servısti qamtamasyz etýdi jalǵastyramyz. Biz úshin bul naryqtaǵy turaqty damý men senim – basty basymdyq”, - dep qosty ol.

Al Allur kompanıasynyń dıstrıbýsıa jónindegi vıse-prezıdenti Maksım Mágchılov MG brendi keıingi jyldary jahandyq naryqta qarqyndy damyp kele jatqanyn alǵa tartty.

“MG brendi – Ulybrıtanıadan bastaý alǵan, búginde álemdik naryqta qarqyndy damyp kele jatqan marka. Qazirgi tańda ol iri halyqaralyq avtokonsernderdiń biri – SAIC Motor quramynda jańa serpin aldy”, - dedi ol.

Sonymen qatar MG avtokólikteri zamanaýı dızaındy, ozyq tehnologıalardy, qaýipsizdik talaptaryn jáne baǵa men sapanyń tıimdi úılesimin biriktiretinin atap ótti.

“Biz úshin búgingi dılerlik ortalyqtyń ashylýy – uzaq ýaqyt boıy júrgizilgen júıeli jumystyń nátıjesi.

Qysqa merzim ishinde biz MG brendimen Qazaqstan naryǵyna shyǵyp, jergilikti óndiristi iske qostyq jáne dılerlik jeliniń negizin qaladyq. Qazirdiń ózinde tutynýshylar tarapynan úlken qyzyǵýshylyq baıqalyp otyr.

Aldaǵy ýaqytta biz brendtiń eldegi qatysýyn keńeıtip, MG avtokólikterin qazaqstandyqtar úshin barynsha qoljetimdi etýdi jalǵastyramyz. Bul ortalyq – bizdiń damýymyzdyń mańyzdy núktesi jáne tutynýshylardyń senimin nyǵaıtatyn taǵy bir qadam”, - dep túıindedi Maksım Mágchılov.

Rásim barysynda kompanıa ókilderi men qurmetti qonaqtar sahnaǵa kóterilip, dástúrli lenta qıý rásimin ótkizdi. Osylaısha MG brendi Qazaqstandaǵy jańa dılerlik ortalyǵynda resmı túrde jumysyn bastady.

Sodan soń sahnada qazaq jáne qytaı mádenıetin úılestirgen bı qoıylymy usynyldy. Bul kórinis eki el arasyndaǵy mádenı baılanystyń kórinisi retinde kópshiliktiń yqylasyna bólendi.

MG qandaı kólikter usynady?

İs-sharanyń kelesi kezeńinde qonaqtar jańa dılerlik ortalyqtyń ınfraqurylymymen tanysty. Zamanaýı standarttarǵa saı jabdyqtalǵan shoýrýmda MG modelderiniń tolyq qatary usynylǵan. Qatysýshylar avtokólikterdi jaqynnan kórip, olardyń tehnıkalyq múmkindikterimen tanysty.

Dılerlik ortalyqta klıentterge kólik tańdaý, test-draıv ótkizý, servıstik qyzmet kórsetý jáne satýdan keıingi qoldaý sıaqty tolyq qyzmet túrleri usynylady. Bul óz kezeginde tutynýshylar úshin qolaılyqty arttyryp, qyzmet sapasyn jańa deńgeıge kóterýge múmkindik beredi.

Búginde Qazaqstan naryǵynda MG brendi ártúrli ómir saltyna beıimdelgen avtokólikter qataryn usynady:

• MG 5 — baǵasy 6 990 000 teńgeden bastalatyn stıldi qalalyq sedan,
• MG ZS — 7 990 000 teńgeden bastap usynylatyn yqsham krosover,
• MG HS — 9 990 000 teńgeden bastalatyn tehnologıalyq ári jaıly krosover,
• MG RX9 — 16 490 000 teńge turatyn keń ári flagmandyq SUV.

Aıta keteıik, Qazaqstanda MG brendiniń resmı dıstrıbútory ári óndiristik seriktesi retinde Allur kompanıasy dılerlik jelini belsendi túrde damytyp jatyr. Qazirgi tańda brendtiń 10 dılerlik ortalyǵy Almaty, Astana, Qostanaı, Qaraǵandy, Pavlodar, Semeı, Shymkent, Kókshetaý jáne Aqtóbe qalalarynda jumys isteıdi.

Kompanıanyń josparyna sáıkes, 2026 jyldyń sońyna deıin dılerlik ortalyqtar sany 24-ke deıin ulǵaıtylyp, brendtiń eldiń negizgi óńirlerinde tolyqqandy usynylýy qamtamasyz etilmek.

MG avtokólikterine 5 jyl nemese 150 000 shaqyrym júrisine deıin kepildik beriledi.

Brend týraly tolyq aqparatty mg.com.kz saıtynan nemese 3388 qysqa nómiri arqyly alýǵa bolady.