الماتىدا Allur كومپانياسىنىڭ قۇرامىنداعى MG برەندىنىڭ جاڭا ديلەرلىك ورتالىعى اشىلدى. بۇل وقيعا قازاقستان مەن جۇڭگو اراسىنداعى وندىرىستىك جانە ەكونوميكالىق ارىپتەستىكتىڭ جاڭا كەزەڭىن ايقىنداپ، ەلدىڭ اۆتوكولىك نارىعىنىڭ دامۋىنا سەرپىن بەردى. سونىمەن قاتار سالاداعى حالىقارالىق ىنتىماقتاستىقتىڭ نىعايۋىنا ىقپال ەتكەن ماڭىزدى قادام بولدى، دەپ حابارلايدى Dalanews.kz.
شارا قالاي ءوتتى؟
الماتىنىڭ مايلين كوشەسىندە ورنالاسقان جاڭا اۆتوورتالىقتىڭ اشىلۋ ءراسىمى رەسمي ءارى مازمۇندى باعدارلاما اياسىندا ءوتتى. ءىس-شاراعا Allur جانە SAIC Motor كومپانيالارىنىڭ باسشىلىعى، شانحاي مەرى مەن ەل ۇكىمەتىنىڭ دەلەگاسياسى، الماتى قالاسى اكىمدىگىنىڭ وكىلدەرى قاتىستى.
رەسمي بولىمدە حالىقارالىق سەرىكتەستەر مىنبەرگە شىعىپ، ءسوز سويلەدى.
SAIC Motor كومپانياسىنىڭ ءتوراعاسى ۆان سياوسيۋ ءوز سوزىندە قازاقستان نارىعىنىڭ ماڭىزىنا ەرەكشە توقتالدى.
“بۇگىن ءبىز MG برەندى ءۇشىن قازاقستاندا جاڭا تاريحي كەزەڭدى باستاپ وتىرمىز. بۇل – ءبىزدىڭ ەلدەرىمىز اراسىنداعى ىنتىماقتاستىقتى نىعايتاتىن ماڭىزدى قادام. MG – ءجۇز جىلدان استام تاريحى بار برەند. بۇگىندە ول بريتاندىق مۇرانى ساقتاي وتىرىپ، SAIC Motor كومپانياسىنىڭ زاماناۋي تەحنولوگيالارىمەن تولىققان”، - دەدى ول.
سونداي-اق ول قازاقستاننىڭ كومپانيا ءۇشىن ستراتەگيالىق تۇرعىدان باسىم باعىتتاردىڭ ءبىرى ەكەنىن جەتكىزدى.
“Allur كومپانياسىمەن بىرلەسىپ ءبىز جەرگىلىكتى ءوندىرىستى ىسكە قوسىپ، مودەلدەردى وسى ەلدىڭ تۇتىنۋشىلارىنىڭ سۇرانىسىنا بەيىمدەي الدىق. بۇل – ءبىزدىڭ ۇزاق مەرزىمدى سەرىكتەستىكتىڭ ناقتى ناتيجەسى.
الداعى ۋاقىتتا دا ءبىز قازاقستانداعى تۇتىنۋشىلارعا وزىق تەحنولوگيالارمەن جابدىقتالعان جاڭا مودەلدەردى ۇسىنىپ، جوعارى دەڭگەيدەگى سەرۆيستى قامتاماسىز ەتۋدى جالعاستىرامىز. ءبىز ءۇشىن بۇل نارىقتاعى تۇراقتى دامۋ مەن سەنىم – باستى باسىمدىق”، - دەپ قوستى ول.
ال Allur كومپانياسىنىڭ ديستريبۋسيا جونىندەگى ۆيسە-پرەزيدەنتى ماكسيم مياگچيلوۆ MG برەندى كەيىنگى جىلدارى جاھاندىق نارىقتا قارقىندى دامىپ كەلە جاتقانىن العا تارتتى.
“MG برەندى – ۇلىبريتانيادان باستاۋ العان، بۇگىندە الەمدىك نارىقتا قارقىندى دامىپ كەلە جاتقان ماركا. قازىرگى تاڭدا ول ءىرى حالىقارالىق اۆتوكونسەرندەردىڭ ءبىرى – SAIC Motor قۇرامىندا جاڭا سەرپىن الدى”، - دەدى ول.
سونىمەن قاتار MG اۆتوكولىكتەرى زاماناۋي ديزايندى، وزىق تەحنولوگيالاردى، قاۋىپسىزدىك تالاپتارىن جانە باعا مەن ساپانىڭ ءتيىمدى ۇيلەسىمىن بىرىكتىرەتىنىن اتاپ ءوتتى.
“ءبىز ءۇشىن بۇگىنگى ديلەرلىك ورتالىقتىڭ اشىلۋى – ۇزاق ۋاقىت بويى جۇرگىزىلگەن جۇيەلى جۇمىستىڭ ناتيجەسى.
قىسقا مەرزىم ىشىندە ءبىز MG برەندىمەن قازاقستان نارىعىنا شىعىپ، جەرگىلىكتى ءوندىرىستى ىسكە قوستىق جانە ديلەرلىك جەلىنىڭ نەگىزىن قالادىق. ءقازىردىڭ وزىندە تۇتىنۋشىلار تاراپىنان ۇلكەن قىزىعۋشىلىق بايقالىپ وتىر.
الداعى ۋاقىتتا ءبىز برەندتىڭ ەلدەگى قاتىسۋىن كەڭەيتىپ، MG اۆتوكولىكتەرىن قازاقستاندىقتار ءۇشىن بارىنشا قولجەتىمدى ەتۋدى جالعاستىرامىز. بۇل ورتالىق – ءبىزدىڭ دامۋىمىزدىڭ ماڭىزدى نۇكتەسى جانە تۇتىنۋشىلاردىڭ سەنىمىن نىعايتاتىن تاعى ءبىر قادام”، - دەپ تۇيىندەدى ماكسيم مياگچيلوۆ.
ءراسىم بارىسىندا كومپانيا وكىلدەرى مەن قۇرمەتتى قوناقتار ساحناعا كوتەرىلىپ، ءداستۇرلى لەنتا قيۋ ءراسىمىن وتكىزدى. وسىلايشا MG برەندى قازاقستانداعى جاڭا ديلەرلىك ورتالىعىندا رەسمي تۇردە جۇمىسىن باستادى.
سودان سوڭ ساحنادا قازاق جانە جۇڭگو مادەنيەتىن ۇيلەستىرگەن بي قويىلىمى ۇسىنىلدى. بۇل كورىنىس ەكى ەل اراسىنداعى مادەني بايلانىستىڭ كورىنىسى رەتىندە كوپشىلىكتىڭ ىقىلاسىنا بولەندى.
MG قانداي كولىكتەر ۇسىنادى؟
ءىس-شارانىڭ كەلەسى كەزەڭىندە قوناقتار جاڭا ديلەرلىك ورتالىقتىڭ ينفراقۇرىلىمىمەن تانىستى. زاماناۋي ستاندارتتارعا ساي جابدىقتالعان شوۋرۋمدا MG مودەلدەرىنىڭ تولىق قاتارى ۇسىنىلعان. قاتىسۋشىلار اۆتوكولىكتەردى جاقىننان كورىپ، ولاردىڭ تەحنيكالىق مۇمكىندىكتەرىمەن تانىستى.
ديلەرلىك ورتالىقتا كليەنتتەرگە كولىك تاڭداۋ، تەست-درايۆ وتكىزۋ، سەرۆيستىك قىزمەت كورسەتۋ جانە ساتۋدان كەيىنگى قولداۋ سياقتى تولىق قىزمەت تۇرلەرى ۇسىنىلادى. بۇل ءوز كەزەگىندە تۇتىنۋشىلار ءۇشىن قولايلىقتى ارتتىرىپ، قىزمەت ساپاسىن جاڭا دەڭگەيگە كوتەرۋگە مۇمكىندىك بەرەدى.
بۇگىندە قازاقستان نارىعىندا MG برەندى ءارتۇرلى ءومىر سالتىنا بەيىمدەلگەن اۆتوكولىكتەر قاتارىن ۇسىنادى:
- MG 5 — باعاسى 6 990 000 تەڭگەدەن باستالاتىن ءستيلدى قالالىق سەدان،
- MG ZS — 7 990 000 تەڭگەدەن باستاپ ۇسىنىلاتىن ىقشام كروسسوۆەر،
- MG HS — 9 990 000 تەڭگەدەن باستالاتىن تەحنولوگيالىق ءارى جايلى كروسسوۆەر،
- MG RX9 — 16 490 000 تەڭگە تۇراتىن كەڭ ءارى فلاگماندىق SUV.
ايتا كەتەيىك، قازاقستاندا MG برەندىنىڭ رەسمي ديستريبيۋتورى ءارى وندىرىستىك سەرىكتەسى رەتىندە Allur كومپانياسى ديلەرلىك جەلىنى بەلسەندى تۇردە دامىتىپ جاتىر. قازىرگى تاڭدا برەندتىڭ 10 ديلەرلىك ورتالىعى الماتى، استانا، قوستاناي، قاراعاندى، پاۆلودار، سەمەي، شىمكەنت، كوكشەتاۋ جانە اقتوبە قالالارىندا جۇمىس ىستەيدى.
كومپانيانىڭ جوسپارىنا سايكەس، 2026 جىلدىڭ سوڭىنا دەيىن ديلەرلىك ورتالىقتار سانى 24-كە دەيىن ۇلعايتىلىپ، برەندتىڭ ەلدىڭ نەگىزگى وڭىرلەرىندە تولىققاندى ۇسىنىلۋى قامتاماسىز ەتىلمەك.
MG اۆتوكولىكتەرىنە 5 جىل نەمەسە 150 000 شاقىرىم جۇرىسىنە دەيىن كەپىلدىك بەرىلەدى.
برەند تۋرالى تولىق اقپاراتتى mg.com.kz سايتىنان نەمەسە 3388 قىسقا ءنومىرى ارقىلى الۋعا بولادى.
