Qazaqstandyq BAQ jaqynda mansaptyq ósýge múmkindik beretin 20 úzdik otandyq kompaniianyń tizimin jariialady. Olardyń qatarynda bankter, bailanys operatorlary, munai-gaz, qurylys jáne áýe tasymaly salasyndaǵy iri kásiporyndar bar. Solardyń ishinde injenerlik-tehnikalyq baǵytty damytýǵa erekshe kóńil bóletin jáne qyzmetkerleriniń kásibi ósýine jaǵdai jasaityn Allur avtomobil kompaniiasy da ataldy, dep habarlaidy Dalanews.kz.
Prezident Qasym-Jomart Toqaev tehnikalyq bilimdi jetildirý men kásiptik oqytý júiesin jańǵyrtýdyń mańyzdylyǵyn birneshe ret atap ótken bolatyn. Osy baǵytta Allur júieli jumys júrgizip, búkil sala úshin bilikti mamandar daiarlaýǵa úles qosyp keledi.
Erte jastan injenerlik oilaýdy damytý
Kompaniia mektep jasyna deiingi jáne mektep kezeńinen bastap balalardyń mashina jasaýǵa qyzyǵýshylyǵyn arttyrýǵa yqpal etedi. Allur balalarǵa arnalǵan “mamandyqtar qalasy” jobasymen birlesip, injeneriia negizderin úiretetin arnaiy aimaq qurdy. Sondai-aq, kompaniia Robotek robototehnika mektebiniń resmi demeýshisi retinde 11 eldiń oqýshylary qatysatyn “Robotek Grand Tournament” chempionatyn qoldaidy.
Jas mamandardy daiarlaý
Allur 25 oqý ornymen – kolledjder, ýniversitetter jáne sheteldik institýttarmen seriktestik ornatqan. Dýaldy oqytý baǵdarlamasy arqyly stýdentter óndiriste tájiribe jinaqtap, aqyly taǵylymdamadan ótýge múmkindik alady. Bul baǵdarlamaǵa 300-den astam stýdent qatysty.
Sonymen qatar kompaniia Qostanai avtomobil kóligi kolledjin materialdyq-tehnikalyq bazamen qamtamasyz etedi. Kolledj janynan biliktilik ortalyǵy ashylyp, onda stýdentter zaýyt jabdyqtarymen jumys isteýdi úirenedi.
Allur jańa bilim berý modelin de damytyp jatyr. Injenerlerdiń biliktiligin arttyrý maqsatynda JOO oqytýshylary men mamandary sheteldik zaýyttar men ýniversitetterde taǵylymdamadan ótedi. Bul bastama elimizdiń avtomobil ónerkásibine oń áser etedi.
Kásibi damý jáne korporativtik oqytý
Allur – Kia, Chevrolet, Skoda, JAC, Jetour jáne Hongqi markalaryn óndiretin, taratatyn jáne satatyn iri kompaniia. Búginde kásiporyn Astana, Almaty, Qostanai qalalarynda 5 myńnan astam adamdy jumyspen qamtyp otyr.
Kompaniianyń korporativtik oqytý júiesi – Allur University aiasynda qyzmetkerler óz biliktiligin arttyryp, MBA dárejesin ala alady. Munda 30-dan astam bilim berý baǵdarlamasy bar.
Budan bólek, menedjment, satý jáne klientterge qyzmet kórsetý salasyndaǵy mamandarǵa arnalǵan distribýtsiia jáne bólshek saýda akademiiasy jumys isteidi. Onda qyzmetkerler basqarý men klienttermen qarym-qatynas jasaýdyń úzdik ádisterin meńgeredi.
Áleýmettik qoldaý jáne korporativtik mádeniet
Allur Qostanai qalasyndaǵy qyzmetkerlerine áleýmettik qoldaý kórsetip, jumysshylarǵa korporativtik meditsinalyq saqtandyrý, jataqhana, tegin tamaqtaný, kólikpen tasymaldaý, jattyǵý zaly, psihologtyń jeke keńesi siiaqty jeńildikter usynady.
Kompaniia ujymdyq rýhty kóterý jáne qolaily jumys ortasyn qalyptastyrý úshin túrli bastamalardy júzege asyrady. Mysaly, keńse qyzmetkerleri “Tájiribe almasý” baǵdarlamasy aiasynda zaýytqa baryp, óndiristik protsestermen tanysa alady. Al “Meniń Qazaqstanym” jobasy aiasynda tájiribeli qyzmetkerler eldiń ártúrli aimaqtaryna saiahattap, tarihi-mádeni oryndarmen tanysady.
Ishki kommýnikatsiiany nyǵaitý maqsatynda kompaniia “Allur bugin” jýrnalyn shyǵaryp, ondaǵy materialdarda qyzmetkerlerdiń jetistikteri men mańyzdy jańalyqtar jariialanady.
Qorytyndy
Allur tehnikalyq mamandyqtardy damytý, qyzmetkerlerdi kásibi qoldaý jáne eńbek jaǵdaiyn jaqsartý baǵytynda aýqymdy jumystar atqaryp keledi. Kompaniianyń bilim berý, áleýmettik qoldaý jáne kásibi ósýge baǵyttalǵan baǵdarlamalary qazaqstandyq avtoóndiris salasynyń bolashaǵyna oń áser etpek.
