قازاقستاندىق ب ا ق جاقىندا مانساپتىق وسۋگە مۇمكىندىك بەرەتىن 20 ۇزدىك وتاندىق كومپانيانىڭ ءتىزىمىن جاريالادى. ولاردىڭ قاتارىندا بانكتەر، بايلانىس وپەراتورلارى، مۇناي-گاز، قۇرىلىس جانە اۋە تاسىمالى سالاسىنداعى ءىرى كاسىپورىندار بار. سولاردىڭ ىشىندە ينجەنەرلىك-تەحنيكالىق باعىتتى دامىتۋعا ەرەكشە كوڭىل بولەتىن جانە قىزمەتكەرلەرىنىڭ كاسىبي وسۋىنە جاعداي جاسايتىن Allur اۆتوموبيل كومپانياسى دا اتالدى، دەپ حابارلايدى Dalanews.kz.
پرەزيدەنت قاسىم-جومارت توقايەۆ تەحنيكالىق ءبىلىمدى جەتىلدىرۋ مەن كاسىپتىك وقىتۋ جۇيەسىن جاڭعىرتۋدىڭ ماڭىزدىلىعىن بىرنەشە رەت اتاپ وتكەن بولاتىن. وسى باعىتتا Allur جۇيەلى جۇمىس جۇرگىزىپ، بۇكىل سالا ءۇشىن بىلىكتى ماماندار دايارلاۋعا ۇلەس قوسىپ كەلەدى.
ەرتە جاستان ينجەنەرلىك ويلاۋدى دامىتۋ
كومپانيا مەكتەپ جاسىنا دەيىنگى جانە مەكتەپ كەزەڭىنەن باستاپ بالالاردىڭ ماشينا جاساۋعا قىزىعۋشىلىعىن ارتتىرۋعا ىقپال ەتەدى. Allur بالالارعا ارنالعان “ماماندىقتار قالاسى” جوباسىمەن بىرلەسىپ، ينجەنەريا نەگىزدەرىن ۇيرەتەتىن ارنايى ايماق قۇردى. سونداي-اق، كومپانيا Robotek روبوتوتەحنيكا مەكتەبىنىڭ رەسمي دەمەۋشىسى رەتىندە 11 ەلدىڭ وقۋشىلارى قاتىساتىن “Robotek Grand Tournament” چەمپيوناتىن قولدايدى.
جاس مامانداردى دايارلاۋ
Allur 25 وقۋ ورنىمەن – كوللەدجدەر، ۋنيۆەرسيتەتتەر جانە شەتەلدىك ينستيتۋتتارمەن سەرىكتەستىك ورناتقان. دۋالدى وقىتۋ باعدارلاماسى ارقىلى ستۋدەنتتەر وندىرىستە تاجىريبە جيناقتاپ، اقىلى تاعىلىمدامادان وتۋگە مۇمكىندىك الادى. بۇل باعدارلاماعا 300-دەن استام ستۋدەنت قاتىستى.
سونىمەن قاتار كومپانيا قوستاناي اۆتوموبيل كولىگى كوللەدجىن ماتەريالدىق-تەحنيكالىق بازامەن قامتاماسىز ەتەدى. كوللەدج جانىنان بىلىكتىلىك ورتالىعى اشىلىپ، وندا ستۋدەنتتەر زاۋىت جابدىقتارىمەن جۇمىس ىستەۋدى ۇيرەنەدى.
Allur جاڭا ءبىلىم بەرۋ مودەلىن دە دامىتىپ جاتىر. ينجەنەرلەردىڭ بىلىكتىلىگىن ارتتىرۋ ماقساتىندا جوو وقىتۋشىلارى مەن ماماندارى شەتەلدىك زاۋىتتار مەن ۋنيۆەرسيتەتتەردە تاعىلىمدامادان وتەدى. بۇل باستاما ەلىمىزدىڭ اۆتوموبيل ونەركاسىبىنە وڭ اسەر ەتەدى.
كاسىبي دامۋ جانە كورپوراتيۆتىك وقىتۋ
Allur – Kia، Chevrolet، Skoda، JAC، Jetour جانە Hongqi ماركالارىن وندىرەتىن، تاراتاتىن جانە ساتاتىن ءىرى كومپانيا. بۇگىندە كاسىپورىن استانا، الماتى، قوستاناي قالالارىندا 5 مىڭنان استام ادامدى جۇمىسپەن قامتىپ وتىر.
كومپانيانىڭ كورپوراتيۆتىك وقىتۋ جۇيەسى – Allur University اياسىندا قىزمەتكەرلەر ءوز بىلىكتىلىگىن ارتتىرىپ، MBA دارەجەسىن الا الادى. مۇندا 30-دان استام ءبىلىم بەرۋ باعدارلاماسى بار.
بۇدان بولەك، مەنەدجمەنت، ساتۋ جانە كليەنتتەرگە قىزمەت كورسەتۋ سالاسىنداعى ماماندارعا ارنالعان ديستريبۋسيا جانە بولشەك ساۋدا اكادەمياسى جۇمىس ىستەيدى. وندا قىزمەتكەرلەر باسقارۋ مەن كليەنتتەرمەن قارىم-قاتىناس جاساۋدىڭ ۇزدىك ادىستەرىن مەڭگەرەدى.
الەۋمەتتىك قولداۋ جانە كورپوراتيۆتىك مادەنيەت
Allur قوستاناي قالاسىنداعى قىزمەتكەرلەرىنە الەۋمەتتىك قولداۋ كورسەتىپ، جۇمىسشىلارعا كورپوراتيۆتىك مەديسينالىق ساقتاندىرۋ، جاتاقحانا، تەگىن تاماقتانۋ، كولىكپەن تاسىمالداۋ، جاتتىعۋ زالى، پسيحولوگتىڭ جەكە كەڭەسى سياقتى جەڭىلدىكتەر ۇسىنادى.
كومپانيا ۇجىمدىق رۋحتى كوتەرۋ جانە قولايلى جۇمىس ورتاسىن قالىپتاستىرۋ ءۇشىن ءتۇرلى باستامالاردى جۇزەگە اسىرادى. مىسالى، كەڭسە قىزمەتكەرلەرى “تاجىريبە الماسۋ” باعدارلاماسى اياسىندا زاۋىتقا بارىپ، وندىرىستىك پروسەستەرمەن تانىسا الادى. ال “مەنىڭ قازاقستانىم” جوباسى اياسىندا تاجىريبەلى قىزمەتكەرلەر ەلدىڭ ءارتۇرلى ايماقتارىنا ساياحاتتاپ، تاريحي-مادەني ورىندارمەن تانىسادى.
ىشكى كوممۋنيكاسيانى نىعايتۋ ماقساتىندا كومپانيا “Allur bugin” جۋرنالىن شىعارىپ، ونداعى ماتەريالداردا قىزمەتكەرلەردىڭ جەتىستىكتەرى مەن ماڭىزدى جاڭالىقتار جاريالانادى.
قورىتىندى
Allur تەحنيكالىق ماماندىقتاردى دامىتۋ، قىزمەتكەرلەردى كاسىبي قولداۋ جانە ەڭبەك جاعدايىن جاقسارتۋ باعىتىندا اۋقىمدى جۇمىستار اتقارىپ كەلەدى. كومپانيانىڭ ءبىلىم بەرۋ، الەۋمەتتىك قولداۋ جانە كاسىبي وسۋگە باعىتتالعان باعدارلامالارى قازاقستاندىق ءاۆتووندىرىس سالاسىنىڭ بولاشاعىنا وڭ اسەر ەتپەك.
