Keshe Shymkent ákimi Ǵabit Syzdyqbekov Ortalyq kommýnikatsiialar qyzmeti alańynda baspasóz konferentsiiasyn ótkizip, BAQ ókilderiniń saýalyna jaýap berdi. Suraq-jaýap barysynda ákimdi asyra maqtaǵan bloger Baqytjan Kópbaev jurttyń synyna qaldy, dep habarlaidy Dalanews.kz.
Bloger kópshiliktiń oiynda "ákim basqa jaqqa aýysyp kete me?" degen qorqynysh bar ekenin aitty.
"Ǵabeke, Shymkent qalamyz siz kelgenge deiin bir úlken aýyl siiaqty damyp bara jatqan. Megapolis degenge uialatyn edik. Qazir siz kelgeli beri qala damyǵan, sheteldegi megapolister siiaqty ózgeris baryna qatty qýanyp jatyrmyz. Turǵyndardyń ýaiymy qalamyzdy sondai kórkeitip, eńbek sińirip kele jatqan ákimimiz erteń basqa jaqqa ketip qalyp, biz jetimsirep qalmaimyz ba dep qorqady", - dedi bloger.
Shymkent ákimi bul máseleni tek Prezident sheshetinin aitty.
"Maǵan deiingi áriptesterim de baryn salyp qyzmet etken. Árine, olarǵa baǵany halyq beredi. Qanshalyq jumys istep-jumys istemeitinimizdi Prezidentimiz sheshedi. Qansha bolsam - sonsha eńbek ete beremiz", - dedi ákim.
"Allaǵa jáne Prezidentke raqmet, sizdi bizge ákim qylyp sailaǵan", - dep jaýap berdi bloger buǵan.
Bul jait jelide qyzý talqylanyp jatyr: "Ne degen sózder-ai! Uialyp ketesiń ǵoi", "Aldyn ala daiyndalǵan", "Jaǵympaz".
