Marqum Sherzat Bolattyń ápkesi Perizat Nurymova sot úkimi shyqqannan keiin BAQ ókilderine pikir bildirdi, dep habarlaidy Dalanews.kz.
Ol sottalýshylar áli kúnge ókinish bildirmegenin aitty.
"Sot bitkenniń ózinde de ata-analary da bizge atylyp, sottalýshylar da terezelerin uryp, qoqan-loqy kórsetip, "biz shyqpaimyz dep oilaisyzdar ma?" dep turyp ym-isharamen kórsetip, aýyzben de aityp ketti. Bolashaqta kim bolsa da ata-ana bala-shaǵasyna ýaiymdaidy. Bul kisiler áli kúnge deiin jazany moiyndap turǵan joq. Istegen nárseni de moiyndap turǵan joq. Ókinish te joq. Bizge kúlip qarap turǵany, ym-ishara kórsetip turǵany eshqandai ókinishti bildirtpeidi dep oilaimyn. Bul - tikelei bizdiń ómirimizge qoqan-loqy jasaýy. Qorǵaýshylarǵa da sol nárseni jasap tur. ...Balalary (sottalýshylar - esk.) terezeni shaqpaq boldy. Arnaiy jasaq qyzmetteri der kezinde bizdi alyp ketti", - dedi ol.
Sherzat Bolattyń ólimi týraly ne belgili?
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵanan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
