Shuǵylaly kóktemniń alǵashqy merekesi – «Alǵys aitý» kúni. Atalmysh mereke elimizde qatarynan 9 jyl toilanyp kele jatyr. Dástúrden jańylmai Almaty oblysynda da «Alǵys aitý - adamgershiliktiń begisi» ataýymen is-shara ótti. Merekelik sharanyń ótýine oblystyq «Qoǵamdyq kelisim jáne damý ortalyǵy» KMM –i muryndyq boldy.
Aitýly kún Qazaqstan halqynyń barlyq óńirlik assambleialarynyń qatysýymen (QHA) merekelik telekópirden bastaldy. Tikelei bailanysqa qatysý úshin oblys ákimdiginiń ǵimaratyna Almaty oblysy ákiminiń orynbasary Nurjan Qudaibergenov jáne etnomádeni ortalyqtardyń ókilderi jinaldy.
Kezdesýdi asha otyryp, QHA tóraǵasynyń orynbasary Marat Ázilhanov Alǵys aitý kúni-bizdiń birligimizdiń, tarihi jadymyzdy saqtaýdyń, urpaqtar bailanysyn jáne halyqtyń birligin nyǵaitýdyń simvoly ekenin atap ótti.
Telekópirge bailanysqa shyqqan óńir basshysynyń orynbasary Nurjan Qudaibergenov «Alǵys aitý» kúni jai ǵana mereke emes ekenin alǵa tartty. Ol , biregei meiram- birlik pen dostyqtyń, ózara syilastyqtyń simvoly ekenin aitty. Jaýaptylar, mereke kúni uiymdastyrylǵan sharanyń basty maqsaty ótkenge sheginis jasai otyryp, etnosaralyq yntymaqty arttyrý deidi.
Sharanyń ekinshi bóligi mádeniet úiinde jalǵasyn tapty.
Ǵimarattyń aldynda 8 birdei etnomádeni birlestikterdiń jáne qol óner sheberleriniń buiymdarynan kórme uiymdastyrylyp, túrli etnos ókilderiniń ulttyq taǵamdarynan arnaiy dám ázirlenip, kelgen qonaqtarǵa usynyldy. Sharanyń negizgi bóliminde qoǵam damýyna úles qosyp, eldiń alǵysyna bólengen jandarǵa Alǵys Hat pen arnaiy statýetka tabystaldy. Budan bólek, shara barasynynda «Qoǵamdyq kelisim jáne damý» ortalyǵynyń bastaýymen jariialanǵan«Qazaqstan-baqyt mekeni» atty úzdik beinerolikter baiqaýynyń jeńimpazdary marapattaldy.
Saltanatty jiynda sóz alǵan Almaty oblysy ishkisaiasat basqarmasy basshysynyń mindetin atqarýshy Ásel Jalǵasbaeva barsha otandastardy erekshe merekemen quttyqtady. Ol óz sózinde,kópulttyQazaqstan halqy úshin bul merekeniń máni – tereń, mańyzy – erekshe ekenin aitty.
«Almaty oblysy – elimizdegi kóptegen etnos ókilderi tyǵyz qonystanǵan óńirdiń biri. Búginde aimaqta 105 etnos ókilderi tatý-tátti ómir súrýde.Búginde azamattarymyz egemen elimizdi damytýǵa, qasterli qazaq jerindegi beibitshilikti, tatýlyq pen kelisimdi nyǵaitýǵa ólsheýsiz úles qosýda. Birlik pen jarasymdy syilastyq siiaqty qasterli qundylyqtar bizdiń elimizdiń árdaiym ainymas temirqazyǵy bolyp qala beredi.Oblysta arnaiy keshendi jospar ázirlenip, ótkizildi»,-dedi Ásel Muratqyzy.
Aimaqtaǵy ideologiiaǵa jaýapty jannyń sózin respýblikalyq «Assambleia jastary» QB Almaty oblystyq ókildiginiń tóraǵasy Vera Pletnevo jalǵastyrdy. Qazaq jerinde dúniege kelip,qazaqtyń salt-dástúrin boiyna sińirip, tilin meńgergen arý, birlik pen turaqtylyq qanajasampaz eldi jańa beleske kóteretinin aityp, jerlesterine jyly lebizin jetkizdi.
Qonaqtardyń júrek jardy tilekterinen keiin kontserttik baǵdarlama kórermen nazaryna usynyldy. Ár ulttyń mádenietinen syr shertetin kúmbirli kúi men áýezdi án shyrqaldy. Uly daladaǵy ajyramas tatýlyqtyń tamyry tereńde ekenin beineleitin ulttyq biler sahnalandy. Shara sońynda Eskendir Hasanǵalievtiń patriottyq sezimge toly «Atameken» áni shyrqaldy. Osylaisha, «Alǵys kúni» óz dárejesinde atalyp ótildi.
