Kókshetaý qalalyq soty tirkelmegen «Alǵa, Qazaqstan!» partiiasynyń belsendisi Amangeldi Jahindi jeti jylǵa bas bostandyǵynan aiyrdy, dep habarlaidy dalanews.kz.
Belsendige «tyiym salynǵan uiymnyń qyzmetine qatysý» jáne «ekstremistik uiymdy qarjylandyrý» baptary boiynsha aiyp taǵylǵan. Bul týraly belsendi Seiilhan Túsbekov málimdedi.
Amangeldi Jahin buǵan deiin «Alǵa, Qazaqstan!» partiiasynyń uiymdastyrý komitetin basqarǵan.
Aiyptaýlardy moiyndamaǵan
Jahin ózine taǵylǵan aiyptardy joqqa shyǵarǵan. Ol taǵylǵan kináni moiyndamaǵanyn birneshe ret málimdegen.
Aita keteiik, osyǵan uqsas aiyptar boiynsha 2023 jyldyń qarasha aiynda «Alǵa, Qazaqstan!» qozǵalysynyń jetekshisi, ýltramarafonshy Marat Jylanbaev ta jeti jylǵa sottalǵan bolatyn.
Jylanbaevqa da «tyiym salynǵan uiymnyń qyzmetine qatysý» jáne «ekstremistik uiymdy qarjylandyrý» baptary boiynsha aiyp taǵylǵan. Ol da ózine taǵylǵan aiyptardy moiyndamaǵan.
