Emin Askerov – áleýmettik kásipker. Búginde ol «Grenn TAL» áleýmettik jobasynyń jetekshisi. Munda ol halyqtyń áleýmettik turǵydan osal toptaryn jumyspen qamtyp otyr, dep habarlady dalanews.kz
Qazirgi ýaqytta kásiporynda 63 adam jumys isteidi. Onyń 16-sy áleýmettik osal toptarǵa jatady.
Mamandyǵym – áleýmettik qyzmetker. Meniń anam da áleýmettik qyzmetker bolǵan. Ózim ár túrli salada jumys istedim. Biraq únemi óz jobamnyń bolǵanyn qalap, osy áleýmettik kásipke keldim. Mine, osy salada júrgenime biyl 7 jyl bolady, - dedi Emin Askerov.
Qazirgi tańda tseh aǵash ustasy, dánekerleý, tigin sheberhanasy syndy jeti baǵyt boiynsha jumys isteidi. Kásipkerdiń aitýynsha, qazirgi kezde Pavlodar, Qaraǵandy oblystarynda óz filialdaryn ashyp jatyr. Sondai-aq sońǵy ýaqytta aǵashtan oiynshyq jasaýdy qolǵa alǵan.
Ár sanattyń oń jáne teris jaqtary bar. Qarapaiym adamdarǵa qaraǵanda áleýmettik turǵydan osal toptaǵy adamdarmen jumys isteý ońaiyraq. Bul bireýdi renjiteiin dep aitqan nárse emes. Nelikten? Sebebi áleýmettik sanattaǵy adamdarda motivatsiia basym. Olar júktelgen senimdi aqtaǵysy keledi, - dedi áleýmettik kásipker.
Emin Askerov áleýmettik turǵydan osal toptardy jumysqa alý kezinde olardyń eń bastysy oqýǵa degen yntasy bolý kerektigine nazar aýdaratynyn aitady.
Elordada Investitsiialar jáne kásipkerlikti damytý basqarmasy 2021 jyly kásipkerlikti damytý jónindegi ulttyq joba aiasynda jańa biznes-ideialardy iske asyrýǵa arnalǵan memlekettik granttardy taǵaiyndaý jónindegi konkýrstyń qorytyndysyn shyǵarǵan bolatyn. Baiqaý jeńimpazdarynyń qatarynda Emin Askerov te bar.
Byltyr biz ákimdiktiń quny 5 mln bolatyn grantyn utyp aldyq. Nátijesinde aǵashtan jasalǵan balalarǵa arnalǵan oiynshyqtar shyǵarýdy bastadyq. Jumys protsesi – óte qyzyqty. Bastysy balalarǵa unaidy, - dep sózin túiindedi áleýmettik kásipker.
