Shtabqa álemniń 37 elinen 44 sheteldik BAQ ókili keldi. Olardyń qatarynda AQSh, Kanada, Ulybritaniia, Resei, Túrkiia, Belgiia, Ispaniia, Avstriia, Shveitsariia, Koreia, Úndistan jáne t.b. elderden kelgen jýrnalister bar.
«AMANAT» partiiasynyń Atqarýshy hatshysy Ashat Oralov olardy úgit-nasihat jáne taldaý ortalyqtarynyń, kandidattyń qoǵamdyq qabyldaý bólmesiniń, media-shtabtyń, senimdi ókilderdiń jumysyn úilestirý ortalyǵynyń, baiqaýshylar shtaby men arnaiy jastar alańynyń jumysymen tanystyrdy.
«Bul – kópfýnktsionaldy, joǵary tehnologiialyq ortalyq. Osy jerde sailaý naýqany kezinde belgili bir sheshimderdi jedel qabyldaýǵa múmkindik jasaldy. Qasym-Jomart Toqaevty qoldaý jónindegi Halyqtyq koalitsiiaǵa kirgen uiymdardyń ókilderi bir ai boiy, kúni-túni jumys istedi. Shtab jumysy ashyqtyq qaǵidattaryna sai jáne zań talaptaryn qatań saqtai otyryp uiymdastyryldy», - dep atap ótti Ashat Oralov.
Kezdesý qorytyndysynda sheteldik BAQ ókilderine arnap brifing ótkizildi. Onyń barysynda «AMANAT» partiiasynyń Atqarýshy hatshysy jýrnalisterdi qyzyqtyrǵan barlyq suraqqa jaýap berdi.
Sondai-aq, sailaýaldy kezeńdegi shtab qyzmetimen Táýelsiz Memleketter Dostastyǵy Parlamenttik Assambleiasynyń, Ujymdyq qaýipsizdik týraly shart uiymynyń, Islam Yntymaqtastyǵy Uiymynyń jáne Amerika Qurama Shtattarynyń jáne t.b. halyqaralyq baiqaýshylary da tanysty.
Aita keteiik, úgit-nasihat naýqany kezinde Qasym-Jomart Toqaevtyń jaqtastary 42 qala men 5000-nan astam aýyldy aralady. Olar ótkizgen 24 myń úgit-nasihat is-sharasyna 3 million sailaýshy qatysty. Kezdesýler barysynda azamattardan 40 myńnan astam usynys pen tilek jinaldy.
