شتابقا الەمنىڭ 37 ەلىنەن 44 شەتەلدىك ب ا ق وكىلى كەلدى. ولاردىڭ قاتارىندا اقش، كانادا، ۇلىبريتانيا، رەسەي، تۇركيا، بەلگيا، يسپانيا، اۆستريا، شۆەيساريا، كورەيا، ءۇندىستان جانە ت.ب. ەلدەردەن كەلگەن جۋرناليستەر بار.
«AMANAT» پارتياسىنىڭ اتقارۋشى حاتشىسى اسحات ورالوۆ ولاردى ۇگىت-ناسيحات جانە تالداۋ ورتالىقتارىنىڭ، كانديداتتىڭ قوعامدىق قابىلداۋ بولمەسىنىڭ، مەديا-شتابتىڭ، سەنىمدى وكىلدەردىڭ جۇمىسىن ۇيلەستىرۋ ورتالىعىنىڭ، بايقاۋشىلار شتابى مەن ارنايى جاستار الاڭىنىڭ جۇمىسىمەن تانىستىردى.
«بۇل – كوپفۋنكسيونالدى، جوعارى تەحنولوگيالىق ورتالىق. وسى جەردە سايلاۋ ناۋقانى كەزىندە بەلگىلى ءبىر شەشىمدەردى جەدەل قابىلداۋعا مۇمكىندىك جاسالدى. قاسىم-جومارت توقايەۆتى قولداۋ جونىندەگى حالىقتىق كواليسياعا كىرگەن ۇيىمداردىڭ وكىلدەرى ءبىر اي بويى، كۇنى-تۇنى جۇمىس ىستەدى. شتاب جۇمىسى اشىقتىق قاعيداتتارىنا ساي جانە زاڭ تالاپتارىن قاتاڭ ساقتاي وتىرىپ ۇيىمداستىرىلدى»، - دەپ اتاپ ءوتتى اسحات ورالوۆ.
كەزدەسۋ قورىتىندىسىندا شەتەلدىك ب ا ق وكىلدەرىنە ارناپ بريفينگ وتكىزىلدى. ونىڭ بارىسىندا «AMANAT» پارتياسىنىڭ اتقارۋشى حاتشىسى جۋرناليستەردى قىزىقتىرعان بارلىق سۇراققا جاۋاپ بەردى.
سونداي-اق، سايلاۋالدى كەزەڭدەگى شتاب قىزمەتىمەن تاۋەلسىز مەملەكەتتەر دوستاستىعى پارلامەنتتىك اسسامبلەياسىنىڭ، ۇجىمدىق قاۋىپسىزدىك تۋرالى شارت ۇيىمىنىڭ، يسلام ىنتىماقتاستىعى ۇيىمىنىڭ جانە امەريكا قۇراما شتاتتارىنىڭ جانە ت.ب. حالىقارالىق بايقاۋشىلارى دا تانىستى.
ايتا كەتەيىك، ۇگىت-ناسيحات ناۋقانى كەزىندە قاسىم-جومارت توقايەۆتىڭ جاقتاستارى 42 قالا مەن 5000-نان استام اۋىلدى ارالادى. ولار وتكىزگەن 24 مىڭ ۇگىت-ناسيحات ءىس-شاراسىنا 3 ميلليون سايلاۋشى قاتىستى. كەزدەسۋلەر بارىسىندا ازاماتتاردان 40 مىڭنان استام ۇسىنىس پەن تىلەك جينالدى.
