Ile aýdany Quryt aýyldyq okrýginde erekshe mádeni shara «Álemdegi eń úlken túie kerýeni», dep habarlaidy Dalanews.kz.
Óńir ákimdiginiń málimetinshe, is-shara ulttyq rýhty qaita jańǵyrtý, kóshpeli mádenietti dáripteý, sondai-aq týrizm men kásipkerlikti damytý maqsatynda jeke kásiporynnyń uiymdastyrýymen ótti. Basty maqsat - álemdik rekord ornatý.
Kerýenge 1000 túie qatysyp, uzyndyǵy 1 shaqyrymǵa jetetin arnaiy daiyndalǵan marshrýtpen júrip ótti. Buǵan deiingi rekord Qytaida 2022 jyly tirkelgen bolatyn, ol kezde bar bolǵany 365 túie qatysqan edi.
Kórermender men qatysýshylardyń qaýipsizdigi úshin politsiia, órt sóndirý bólimsheleri, dárigerler men veterinarlyq qyzmet jumyldyryldy. Aimaq týrnikettermen jabdyqtalyp, kórermenderdiń kerýenge jaqyndaýy shekteldi.
Sharaǵa Ulybritaniiadan arnaiy kelgen Ginnes rekordtar kitabynyń ókili Richard Stenning qatysty. Ol óz sózinde mundai aýqymdaǵy túie kerýenin alǵash ret kórip otyrǵanyn atap ótti. Onyń aitýynsha, Qazaqstan resmi túrde «Álemdegi eń úlken túie kerýeni» ataǵyna ie bolady jáne barlyq rásimder aiaqtalǵan soń bul kórsetkish Ginnes rekordtar kitabyna engiziledi.
