Aleksei Bessonov: «Bul el orystarsyz ómir súre almaidy»
Onyń bul jolǵy málimdemesi aldyńǵysyn tolyqtyra túsken jáne ol bul joly ózine qatysty qazaqtar qylmystyq is qozǵasa da qoryqpaitynyn jetkizipti. Bul týraly Caravan.kz media-portaly habarlady
Ózin bloger sanaityn reseilik azamat jariialaǵan ekinshi beinejazbada bylai depti:
– Men Perm qalasynyń blogeri Bessonov Aleksei Borisovich KGB-nyń burynǵy qyzmetkerimin. Qazir men orystyń uly Kama ózeni boiynda turmyn. Meniń Qazaqstan prezidentiniń latyn álipbiine kóshý týraly Jarlyǵyna bailanysty atalǵan elge ásker engizý kerek degen málimdememe bailanysty maǵan qazyr qylmystyq is qozǵalady dep qoqan-loqy jasalýda. Oqtyń astynda júrýden qoryqpaǵan burynǵy memlekettik qaýipsizdik qyzmetkeri shynymen de túrmeden qorqady deisiz be? Men aitqan sózderde zańǵa qaishy eshteńe joq. Ár adam Konstitýtsiia boinsha óz prezidentine júginýge quqyly. Resei prezidenti shynynda da qajet bolǵan jaǵdaida ásker engizý kerek. Óitkeni atalǵan jarlyq imperiianyń qaýipsizdigine qater tóndiredi. Eger ásker engizgen jaǵdaida qarsylyq bolsa, zańsyzdyq oryn alsa, qarý qoldaný kerek. Bul el orystarsyz ómir súre almaidy. Qazaq prezidentine esh qarsylyǵym joq. Durys saiasat qoldanyp otyr. Biraq myna jarlyǵy jón emes. Óitkeni bul jer orys keńistigi, – depti.
