ءوزىن بلوگەر سانايتىن رەسەيلىك ازامات جاريالاعان ەكىنشى بەينەجازبادا بىلاي دەپتى:
– مەن پەرم قالاسىنىڭ بلوگەرى بەسسونوۆ الەكسەي بوريسوۆيچ كگب-نىڭ بۇرىنعى قىزمەتكەرىمىن. ءقازىر مەن ورىستىڭ ۇلى كاما وزەنى بويىندا تۇرمىن. مەنىڭ قازاقستان پرەزيدەنتىنىڭ لاتىن الىپبيىنە كوشۋ تۋرالى جارلىعىنا بايلانىستى اتالعان ەلگە اسكەر ەنگىزۋ كەرەك دەگەن مالىمدەمەمە بايلانىستى ماعان قازىر قىلمىستىق ءىس قوزعالادى دەپ قوقان-لوقى جاسالۋدا. وقتىڭ استىندا جۇرۋدەن قورىقپاعان بۇرىنعى مەملەكەتتىك قاۋىپسىزدىك قىزمەتكەرى شىنىمەن دە تۇرمەدەن قورقادى دەيسىز بە؟ مەن ايتقان سوزدەردە زاڭعا قايشى ەشتەڭە جوق. ءار ادام كونستيتۋسيا بوينشا ءوز پرەزيدەنتىنە جۇگىنۋگە قۇقىلى. رەسەي پرەزيدەنتى شىنىندا دا قاجەت بولعان جاعدايدا اسكەر ەنگىزۋ كەرەك. ويتكەنى اتالعان جارلىق يمپەريانىڭ قاۋىپسىزدىگىنە قاتەر توندىرەدى. ەگەر اسكەر ەنگىزگەن جاعدايدا قارسىلىق بولسا، زاڭسىزدىق ورىن السا، قارۋ قولدانۋ كەرەك. بۇل ەل ورىستارسىز ءومىر سۇرە المايدى. قازاق پرەزيدەنتىنە ەش قارسىلىعىم جوق. دۇرىس ساياسات قولدانىپ وتىر. ءبىراق مىنا جارلىعى ءجون ەمەس. ويتكەنى بۇل جەر ورىس كەڭىستىگى، – دەپتى.
