Osylaısha aldaǵy 2019 jyly Saıram aýdanyndaǵy eldi mekenderdiń tolyqtaı aýyz sýmen qamtamasyz etiletin bolady.
Qazirgi tańda tórt eldi mekende sý shekti kólemde berilip jatyr.
Aýdandaǵy eldi mekenderdiń 19-na kógildir otyn tartylǵan. Jyl aıaǵyna deıin olardyń qataryna taǵy 10 eldi meken qosylady. Nátıjesinde aýdan halqynyń 78 paıyzy kógildir otynmen qamtylady.
Saıram aýdanyndaǵy Qarabulaq aýyly oblysymyzdaǵy eń úlken aýyl. Munda búginde 43 myńnan astam turǵyn bar. Bul kórsetkish keıbir qalanyń halqynan artyq ekenin baıqaýǵa bolady. Búginde Qarabulaq aýyly turǵyndary tabıǵı gazdyń qyzyǵyn kórip keledi. Qarabulaq eldi mekenin tabıǵı gazben qamtamasyz etý maqsatynda ázirlengen smetalyq qujattary boıynsha, 2 mlrd teńgeden astam qarjy jumsalǵan. Gaz qubyryn tartý jumysy 2013 jyly bastalyp, qurylysty «GH Shymkentgaz» JSHS júrgizgen. Jobaǵa sáıkes 315 shaqyrym gaz qubyry tartylyp, 7438 abonent tabıǵı gazǵa qosyldy. Gazdy qoldanysqa berý rásimine Túrkistan oblysy ákimi Janseıit Túımebaevtyń ózi qatysyp, qarabulaqtyqtardyń qýanyshyna ortaqtasqan bolatyn
Tıisinshe keler jyly taǵy bes eldi mekenge gaz tartý boıynsha jobalyq smetalyq qujattama jasalady. Sonyń negizinde 2020 jyly bul másele 100 paıyz sheshimin tabatyn bolady.
Dalanews.kz
