Alaiaqtyq faktisi boiynsha halyqaralyq izdeýde júrgen Resei azamaty Almaty qalasynda ustaldy, dep habarlaidy QR Ishki ister ministrliginiń resmi internet-resýrsy.
«Almaty qalalyq Politsiia departamentiniń ekstremizmge qarsy is-qimyl basqarmasynyń qyzmetkerleri halyqaralyq izdeýde júrgen Resei Federatsiiasynyń azamatyn ustady. Izdeý Resei Federatsiiasynyń Krasnodar ólkesi boiynsha Federaldyq qaýipsizdik qyzmeti basqarmasynyń bastamasymen jariialanǵan», – delingen habarlamada.
Ustalǵan azamat uiymdasqan qylmystyq top quramynda asa iri kólemde alaiaqtyq jasady degen kúdikke ilingen. Bar derekterge súiensek, memleketke keltirilgen shyǵyn kólemi 23 million rýblden asady.
– Jedel-izdestirý is-sharalary barysynda kúdiktiniń múmkin ornalasqan jeri týraly aqparat alyndy. Almaty politsiia bólimsheleriniń úilesimdi jumysynyń nátijesinde ol ustaldy. Qazirgi tańda ýaqytsha ustaý izoliatoryna qamaldy jáne oǵan qatysty ekstraditsiialaý rásimi bastaldy, – dedi Almaty qalasy PD ekstremizmge qarsy is-qimyl basqarmasynyń basshysy Ashat Dáýletiiarov.
