الاياقتىق فاكتىسى بويىنشا حالىقارالىق ىزدەۋدە جۇرگەن رەسەي ازاماتى الماتى قالاسىندا ۇستالدى، دەپ حابارلايدى ق ر ىشكى ىستەر مينيسترلىگىنىڭ رەسمي ينتەرنەت-رەسۋرسى.
«الماتى قالالىق پوليسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى حالىقارالىق ىزدەۋدە جۇرگەن رەسەي فەدەراسياسىنىڭ ازاماتىن ۇستادى. ىزدەۋ رەسەي فەدەراسياسىنىڭ كراسنودار ولكەسى بويىنشا فەدەرالدىق قاۋىپسىزدىك قىزمەتى باسقارماسىنىڭ باستاماسىمەن جاريالانعان»، – دەلىنگەن حابارلامادا.
ۇستالعان ازامات ۇيىمداسقان قىلمىستىق توپ قۇرامىندا اسا ءىرى كولەمدە الاياقتىق جاسادى دەگەن كۇدىككە ىلىنگەن. بار دەرەكتەرگە سۇيەنسەك، مەملەكەتكە كەلتىرىلگەن شىعىن كولەمى 23 ميلليون رۋبلدەن اسادى.
– جەدەل-ىزدەستىرۋ ءىس-شارالارى بارىسىندا كۇدىكتىنىڭ مۇمكىن ورنالاسقان جەرى تۋرالى اقپارات الىندى. الماتى پوليسيا بولىمشەلەرىنىڭ ۇيلەسىمدى جۇمىسىنىڭ ناتيجەسىندە ول ۇستالدى. قازىرگى تاڭدا ۋاقىتشا ۇستاۋ يزولياتورىنا قامالدى جانە وعان قاتىستى ەكستراديسيالاۋ ءراسىمى باستالدى، – دەدى الماتى قالاسى پد ەكسترەميزمگە قارسى ءىس-قيمىل باسقارماسىنىڭ باسشىسى اسحات داۋلەتياروۆ.
