Alataý aýdanynda 80 myńnan astam vaktsina alǵan
– Eger jaǵdai ózgermese, biz odan da úlken daǵdarysqa ushyraýymyz múmkin, óitkeni basqa maýsymdyq virýstar kovidke qosylady. Aýdanda barlyq jaǵdai jasalǵan, 22 egý pýnkti ornalastyrylǵan, mobildi toptar shaǵyn aýdandarǵa, jeke sektorǵa barady. Alaida, osy ýaqytqa deiin 80 217 adam ǵana egildi, aýdanda 118 myńnan astam turǵyn vaktsinatsiiadan ótedi, – dedi Azamat Qaldybekov.
Alataý aýdanynyń ákimi biznes qaýymdastyǵynyń Ashyq jobasyna qatysýy týraly aitty. Aýdanda qazirdiń ózinde qosymshamen jumys jasaityn 236 shaǵyn jáne orta biznes ókilderi bar ekenin jetkizdi. Barlyǵy karantin kezinde artyqshylyq alǵan 3 joba kóshbasshysy anyqtaldy – mysaly, koronavirýstyq infektsiianyń ýshyǵýyna bailanysty basqa nysandar jabylǵan kezde olardyń jumys isteýine ruqsat berilgen.
Alaida, jaýapsyz kásipkerler de bar, aýdanda 2 nysan sanitarlyq talaptardy buzǵany úshin jobadan shyǵaryldy.
Sonymen qatar, tekserýlerdiń arqasynda ózin-ózi oqshaýlaý rejimin buzǵan 34 adam anyqtaldy, olardyń barlyǵyna aiyppul salyndy.
Sondai-aq, Azamat Qaldybekov monitoringtik toptardyń jumysy týraly baiandady. Alataý aýdanda olardyń beseýi bar, olar kún saiyn kásipkerlik nysandarynda karantindik rejim men sanitarlyq talaptardyń saqtalýyn tekseredi.
– Jyl basynan beri 3664 nysan tekserildi, 256 zań buzýshylyq anyqtaldy, 19,1 million teńgege 175 hattama jasaldy, – dedi Azamat Qaldybekov.
Aýdan ákimi almatylyqtardy óz densaýlyǵy men basqalardyń amandyǵyn qorǵaý úshin sanitarlyq-epidemiologiialyq talaptardy qatań saqtaýǵa shaqyrdy. Ol múmkindiginshe úide bolýdy, adamdar kóp jinalatyn jerlerge barýdan bas tartýdy, áleýmettik qashyqtyqty jáne maska reimin saqtaýdy usyndy.
