– ەگەر جاعداي وزگەرمەسە، ءبىز ودان دا ۇلكەن داعدارىسقا ۇشىراۋىمىز مۇمكىن، ويتكەنى باسقا ماۋسىمدىق ۆيرۋستار كوۆيدكە قوسىلادى. اۋداندا بارلىق جاعداي جاسالعان، 22 ەگۋ پۋنكتى ورنالاستىرىلعان، ءموبيلدى توپتار شاعىن اۋداندارعا، جەكە سەكتورعا بارادى. الايدا، وسى ۋاقىتقا دەيىن 80 217 ادام عانا ەگىلدى، اۋداندا 118 مىڭنان استام تۇرعىن ۆاكسيناسيادان وتەدى، – دەدى ازامات قالدىبەكوۆ.
الاتاۋ اۋدانىنىڭ اكىمى بيزنەس قاۋىمداستىعىنىڭ Ashyq جوباسىنا قاتىسۋى تۋرالى ايتتى. اۋداندا ءقازىردىڭ وزىندە قوسىمشامەن جۇمىس جاسايتىن 236 شاعىن جانە ورتا بيزنەس وكىلدەرى بار ەكەنىن جەتكىزدى. بارلىعى كارانتين كەزىندە ارتىقشىلىق العان 3 جوبا كوشباسشىسى انىقتالدى – مىسالى، كوروناۆيرۋستىق ينفەكسيانىڭ ۋشىعۋىنا بايلانىستى باسقا نىساندار جابىلعان كەزدە ولاردىڭ جۇمىس ىستەۋىنە رۇقسات بەرىلگەن.
الايدا، جاۋاپسىز كاسىپكەرلەر دە بار، اۋداندا 2 نىسان سانيتارلىق تالاپتاردى بۇزعانى ءۇشىن جوبادان شىعارىلدى.
سونىمەن قاتار، تەكسەرۋلەردىڭ ارقاسىندا ءوزىن-وزى وقشاۋلاۋ رەجيمىن بۇزعان 34 ادام انىقتالدى، ولاردىڭ بارلىعىنا ايىپپۇل سالىندى.
سونداي-اق، ازامات قالدىبەكوۆ مونيتورينگتىك توپتاردىڭ جۇمىسى تۋرالى باياندادى. الاتاۋ اۋداندا ولاردىڭ بەسەۋى بار، ولار كۇن سايىن كاسىپكەرلىك نىساندارىندا كارانتيندىك رەجيم مەن سانيتارلىق تالاپتاردىڭ ساقتالۋىن تەكسەرەدى.
– جىل باسىنان بەرى 3664 نىسان تەكسەرىلدى، 256 زاڭ بۇزۋشىلىق انىقتالدى، 19،1 ميلليون تەڭگەگە 175 حاتتاما جاسالدى، – دەدى ازامات قالدىبەكوۆ.
اۋدان اكىمى الماتىلىقتاردى ءوز دەنساۋلىعى مەن باسقالاردىڭ اماندىعىن قورعاۋ ءۇشىن سانيتارلىق-ەپيدەميولوگيالىق تالاپتاردى قاتاڭ ساقتاۋعا شاقىردى. ول مۇمكىندىگىنشە ۇيدە بولۋدى، ادامدار كوپ جينالاتىن جەرلەرگە بارۋدان باس تارتۋدى، الەۋمەتتىك قاشىقتىقتى جانە ماسكا رەيمىن ساقتاۋدى ۇسىندى.
