Májiliste «Alataý qalasynyń arnaýly mártebesi týraly» Konstitýtsiialyq zań jobasy qaralyp, birinshi oqylymda maquldaý usynyldy, dep habarlaidy Dala News.
Zań jobasy Alataýdy qarqyndy damityn, investitsiia tartýǵa qolaily «aqyldy qalaǵa» ainaldyrýdy kózdeidi. Bul bastama jańa Konstitýtsiiada bekitilgen arnaiy quqyqtyq rejim aiasynda júzege asyrylmaq.
Jobaǵa sáikes, qalada:
– investitsiia men kásipkerlikke erekshe jaǵdai jasalady,
– tsifrlandyrý men innovatsiiaǵa basymdyq beriledi,
– basqarýdyń jańa modeli engiziledi.
Alataý qalasynda joǵary organ retinde Keńes qurylyp, strategiialyq sheshimder qabyldaidy. Al negizgi atqarýshy organ retinde arnaiy ákimshilik jumys isteidi.
Sonymen qatar:
– «bir tereze» qaǵidaty engiziledi,
– salyqtyq jeńildikter qarastyrylady,
– investitsiialyq jobalarǵa preferentsiialar beriledi.
Qala biýdjeti eki bólikten qalyptasady: jergilikti biýdjet jáne arnaiy ákimshilik qory. Bul qarjyny tiimdi basqarýǵa jáne damýǵa baǵyttaýǵa múmkindik beredi.
Depýtattardyń aitýynsha, zań jobasyna 500-den astam usynys túsken. Qujat ekinshi oqylymǵa deiin pysyqtalady.
Joba qabyldansa, Alataý Qazaqstandaǵy jańa ekonomikalyq ósim núktesine ainalýy múmkin.
