Tarihi dataǵa bailanysty ózekti máseleler aitylǵan konferentsiiaǵa belgili tarihshy, ádebietshi ǵalymdar qatysyp, oi bólisti.
Tarih ǵylymdarynyń doktory, professor Hangeldi Ábjanov ǵylymnyń uzaq jyldar boiy tabandy eńbek etýdi qajet etetindigin aitty. Sonymen qatar Prezident Qasym-Jomart Toqaevtyń jasaǵan úndeýine bailanysty ǵylymi ortalyq qurý qajettigin de naqtylap ótti.
«Arys» qorynyń prezidenti, filologiia ǵylymdarynyń doktory Ǵarifolla Ánes «Úndeýge ún qosaiyn» degen ataýmen óz usynystaryn bildirdi.
Tarih ǵylymdarynyń doktory, professor Svetlana Smaǵulova «Ashtyq pen qýǵyn-súrgindi zertteý máseleleri» taqyryby boiynsha sóz qozǵady.
Ahmet Baitursynuly murajai-úiiniń ǵylymi jetekshisi, Ál-Farabi atyndaǵy QazUÝ dotsenti, ahmettanýshy Raihan Imahanbet «Alashtyń Ahańy: derek pen dáiek» ataýymen negizgi usynystaryn bildirip, ǵylymǵa bet buryp jatqan qazaq jastarynyń arhivtik derekti dáiekke ainaldyrǵanda saq bolýyn atap ótti. Ádebiet jáne Óner institýtynyń bas ǵylymi qyzmetkeri, filologiia ǵylymdarynyń doktory Gúljahan Orda «Qýǵyn –súrgin qurbandary men asharshylyqtyń qazaq ádebietinde beinelenýine» kóptegen mysaldar keltirip, qazaq ádebietindegi orynynyń mańyzdy ekendigin bildirdi.
Alash arysy Qoshke Kemeńgerdiń urpaǵy, alashtanýshy, filologiia ǵylymdarynyń kandidaty Qaiyrbek Kemeńger «Alashtaný: perzenttik paryzdan – ómirlik muratqa» taqyrybynda baiandama jasap, Alashqa qatysty tulǵalar esimi áli de tolyq ulyqtalmai jatqanyna birneshe mysal keltirip ótti.
Keńestik túrmeniń ashy dámin tatqan, ESEP partiiasyn damytqan, "Jas qazaq" uiymyn qurǵan, jazýshy, ólketanýshy Kámel
Júnistegi «Jas qazaq» uiymy taqyryby tóńireginde taǵylymdy oi órbitti.
M.Ótemisov atyndaǵy Batys Qazaqstan memlekettik ýniversitetiniń dotsenti, t.ǵ.k. Baqtyly Sansyzbaiqyzy Boranbaeva «Batys Qazaqstan oblystyq arhiv qoryndaǵy qýǵyn-súrgin jəne asharshylyq týraly derekter»,
M.Ótemisov atyndaǵy Batys qazaqstan memlekettik ýniversitetiniń dotsenti, tarih ǵylymdarynyń kandidaty, Qazaqstan respýblikasy tarihy kafedrasynyń meńgerýshisi Baibýlsinova Alfiia Sabyrǵaliqyzy «Alash qairatkeri, dáriger Dáýletshah Kýsepqaliev» taqyrybynda arhivtik qujattardy kórsete otyryp, óz usynystaryn da bildirdi.Tarihshy, zertteýshi Ádelet Jaǵypar «Otandyq tarihta jastardyń astyrtyn saiasi uiymy ESEP (Elin súigen erler partiiasy) máni men mańyzy» taqyrybynda baiandama jasap, óz usynysyn atap kórsetti.
Respýblikalyq onlain konferentsiiaǵa Aqtaý qalasynan Janat Nurmahanova, Nur-Sultan qalasy, KAZGIýÝ Ýniversitetinen Medesheva Izat Belǵojaqyzy, T.Júrgenov atyndaǵy Qazaq ulttyq óner akademiiasynyń magistranty Bekaidarova Monshaq, Qazaq Ulttyq agrarlyq ýniversitetindegi aǵa oqytýshy Akimjan Nazym Altynbekqyzy, Alpamys Ábý, Meiirbol Mýtaliev syndy kórermender jan-jaqtan qatysyp, taqyryp tóńireginde usynys aityp, konferentsiiaǵa bailanysty alǵysyn bildirdi.
Konferentsiia sońynda "Adyrna" ulttyq-etnografiialyq birlestiginiń prezidenti Arman Áýbákir qatysqan barsha adamdarǵa alǵys aitty.
2 saǵattan astam ýaqytqa sozylǵan konferentsiianyń materialdary, qysqartylǵan nusqalary Adyrna ulttyq portalynyń You Tube kanalynda, Feisbýk, Instagram paraqshasynda jariialanatyn bolady.
Jansaia Sman
