Almatyda jyl bastalǵaly beri qyzylsha juqtyrǵan 591 adam tirkelgen, olardyń basym bóligi - vaktsina almaǵan balalar, dep habarlaidy Dalanews.kz.
Almatynyń bas memlekettik sanitariia dárigeri Qasymhan Alpysbaiulynyń aitýynsha, aýrýshańdyqtyń ósýi byltyrǵy qarashada bastalǵan. Sol kezde qyzylshamen aýyrǵan 30 adam tirkelipti. Jeltoqsanda olardyń sany 142-ge deiin ósip, qazir barǵan saiyn kóbeip barady. Jyl basynan beri aýrýshańdyq kórsetkishi 100 myń turǵynǵa shaqqanda 26,9 boldy.
"Almaty qalasynda qyzylsha boiynsha epidemiologiialyq jaǵdai kúrdeli kúiinde qalyp otyr. 2026 jyldyń basynan beri 591 jaǵdaidy tirkedik, aýrýshańdyq ósimi ulǵaiyp barady. Infektsiianyń taralýynyń negizgi sebebi - vaktsinatsiia bolmaýy", – dedi ol.
Eń kóbi Alataý aýdanynda (239), sondai-aq, Naýryzbai, Bostandyq pen Áýezov aýdanynda tirkelgen. Aýrýǵa shaldyqqandardyń 89 paiyzy qyzylshaǵa qarsy egilmegen. Vaktsina almaýdyń negizgi sebepteri ekpeden bas tartý, meditsinalyq qarsy kórsetilim men ekpe jasyna jetpeý bolǵan.
"Qyzylshamen kóbine ekpe almaǵandar aýyryp jatyr. 591 adamnyń 527-sinde vaktsinatsiia bolmaǵan, onyń jartysynan astamy – ata-anasy bas tartqandar. Bul infektsiianyń taralýy men epidemiologiialyq jaǵdai kúrdelenýine tikelei áser etedi", – dedi Alpysbaiuly.
Jas qurylymy boiynsha syrqattanǵandardyń 94 paiyzy - 14 jasqa deiingi balalar.
