الاڭداتارلىق كٶرسەتكٸش: الماتىدا قىزىلشامەن اۋىرعاندار سانى كٷرت ارتقان

الماتىدا جىل باستالعالى بەرٸ قىزىلشا جۇقتىرعان 591 ادام تٸركەلگەن, ولاردىڭ باسىم بٶلٸگٸ - ۆاكتسينا الماعان بالالار, دەپ حابارلايدى Dalanews.kz.

الماتىنىڭ باس مەملەكەتتٸك سانيتارييا دەرٸگەرٸ قاسىمحان الپىسبايۇلىنىڭ ايتۋىنشا, اۋرۋشاڭدىقتىڭ ٶسۋٸ بىلتىرعى قاراشادا باستالعان. سول كەزدە قىزىلشامەن اۋىرعان 30 ادام تٸركەلٸپتٸ. جەلتوقساندا ولاردىڭ سانى 142-گە دەيٸن ٶسٸپ, قازٸر بارعان سايىن كٶبەيپ بارادى. جىل باسىنان بەرٸ اۋرۋشاڭدىق كٶرسەتكٸشٸ 100 مىڭ تۇرعىنعا شاققاندا 26,9 بولدى.

"الماتى قالاسىندا قىزىلشا بويىنشا ەپيدەميولوگييالىق جاعداي كٷردەلٸ كٷيٸندە قالىپ وتىر. 2026 جىلدىڭ باسىنان بەرٸ 591 جاعدايدى تٸركەدٸك, اۋرۋشاڭدىق ٶسٸمٸ ۇلعايىپ بارادى. ينفەكتسييانىڭ تارالۋىنىڭ نەگٸزگٸ سەبەبٸ - ۆاكتسيناتسييا بولماۋى", – دەدٸ ول.

ەڭ كٶبٸ الاتاۋ اۋدانىندا (239), سونداي-اق, ناۋرىزباي, بوستاندىق پەن ەۋەزوۆ اۋدانىندا تٸركەلگەن. اۋرۋعا شالدىققانداردىڭ 89 پايىزى قىزىلشاعا قارسى ەگٸلمەگەن. ۆاكتسينا الماۋدىڭ نەگٸزگٸ سەبەپتەرٸ ەكپەدەن باس تارتۋ, مەديتسينالىق قارسى كٶرسەتٸلٸم مەن ەكپە جاسىنا جەتپەۋ بولعان.

"قىزىلشامەن كٶبٸنە ەكپە الماعاندار اۋىرىپ جاتىر. 591 ادامنىڭ 527-سٸندە ۆاكتسيناتسييا بولماعان, ونىڭ جارتىسىنان استامى – اتا-اناسى باس تارتقاندار. بۇل ينفەكتسييانىڭ تارالۋى مەن ەپيدەميولوگييالىق جاعداي كٷردەلەنۋٸنە تٸكەلەي ەسەر ەتەدٸ", – دەدٸ الپىسبايۇلى.

جاس قۇرىلىمى بويىنشا سىرقاتتانعانداردىڭ 94 پايىزى - 14 جاسقا دەيٸنگٸ بالالار.