Bul týraly aimaqtyq kommýnikatsiialar qyzmetinde ótken brifingte Úrjar aýdanynyń ákimi Serik Zainýldin málim etti.
– Alakól jaǵalaýy adam tanymastai ózgeredi. Osy maqsatta tiisti jumystar atqarylaýda. Máselen Alakól jaǵalaýynda kontsert ótkizetin arnaiy oryn ashylady. Oǵan jeke investor tartylady, - dedi Serik Zainýldin.
Aldaǵy jyldary Alakól jaǵalaýynda barlyq talapqa sáikes keletin saýda oryndary, avtoturaqtar salynady. Budan bólek beinebaqylaý kameralarynyń sany artady.
Aita keteiik, biyl Alakóldegi demalýshylar sany orta eseppen alǵanda 750 myń adamdy qurap otyr. Bul ótken jylǵy kórsetkishpen salystyrǵanda 25 paiyzǵa artyq.
Aǵymdaǵy jyly týristik qyzmetten 108 million teńge salyq tústi. Sondai-aq eseptik kezeńde Alakól kóli jaǵalaýynda 6 kásipkerlik nysandar iske qosylyp, aýdan ekonomikasyna 1 mlrd. 145 mln. 900 myń teńge kóleminde investitsiia tartyldy.
Aldaǵy jyldary Alakól kóli jaǵalaýyndaǵy sý qubyry qurylysynyń jobalyq smetalyq qujattaryn daiyndaýǵa 17 mln. 200 myń teńge, Alakól kóli jaǵalaýyndaǵy káriz jelileri men súzgileý alańdaryn qurylysyna JSQ ázirleýge 20,0 mln.teńge, Alakól jaǵalaýyndaǵy jer telimin qurǵatý úshin sý burý kanalynyń qurylysyna JSQ ázirleýge jergilikti biýdjetten 14 mln. 500 myń teńge bólinip, jobalar ázirlenýde.
Derekkóz: altaynews.kz
