الاكول الداعى بەس جىلدا تۇركياداعى جاعاجايلاردىڭ بىردە-بىرىنەن كەم بولمايدى.

بۇل تۋرالى ايماقتىق كوممۋنيكاسيالار قىزمەتىندە وتكەن بريفينگتە ءۇرجار اۋدانىنىڭ اكىمى سەرىك زاينۋلدين ءمالىم ەتتى.

– الاكول جاعالاۋى ادام تانىماستاي وزگەرەدى. وسى ماقساتتا ءتيىستى جۇمىستار اتقارىلاۋدا. ماسەلەن الاكول جاعالاۋىندا كونسەرت وتكىزەتىن ارنايى ورىن اشىلادى. وعان جەكە ينۆەستور تارتىلادى، - دەدى سەرىك زاينۋلدين.
الداعى جىلدارى الاكول جاعالاۋىندا بارلىق تالاپقا سايكەس كەلەتىن ساۋدا ورىندارى، اۆتوتۇراقتار سالىنادى. بۇدان بولەك بەينەباقىلاۋ كامەرالارىنىڭ سانى ارتادى.

ايتا كەتەيىك، بيىل الاكولدەگى دەمالۋشىلار سانى ورتا ەسەپپەن العاندا 750 مىڭ ادامدى قۇراپ وتىر. بۇل وتكەن جىلعى كورسەتكىشپەن سالىستىرعاندا 25 پايىزعا ارتىق.

اعىمداعى جىلى تۋريستىك قىزمەتتەن 108 ميلليون تەڭگە سالىق ءتۇستى. سونداي-اق ەسەپتىك كەزەڭدە الاكول كولى جاعالاۋىندا 6 كاسىپكەرلىك نىساندار ىسكە قوسىلىپ، اۋدان ەكونوميكاسىنا 1 ملرد. 145 ملن. 900 مىڭ تەڭگە كولەمىندە ينۆەستيسيا تارتىلدى.

الداعى جىلدارى الاكول كولى جاعالاۋىنداعى سۋ قۇبىرى قۇرىلىسىنىڭ جوبالىق سمەتالىق قۇجاتتارىن دايىنداۋعا 17 ملن. 200 مىڭ تەڭگە، الاكول كولى جاعالاۋىنداعى كارىز جەلىلەرى مەن سۇزگىلەۋ الاڭدارىن قۇرىلىسىنا جسق ازىرلەۋگە 20،0 ملن.تەڭگە، الاكول جاعالاۋىنداعى جەر تەلىمىن قۇرعاتۋ ءۇشىن سۋ بۇرۋ كانالىنىڭ قۇرىلىسىنا جسق ازىرلەۋگە جەرگىلىكتى بيۋدجەتتەن 14 ملن. 500 مىڭ تەڭگە ءبولىنىپ، جوبالار ازىرلەنۋدە.

دەرەككوز: altaynews.kz