Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Alakólge endi «Talgomen» barýǵa bolady

Dalanews
Alakólge endi «Talgomen» barýǵa bolady
Aldaǵy týristik maýsymda Alakól baǵytyna «Talgo» júrdek poiyzy júredi. Bul týraly Almaty oblysy ákiminiń baspasóz qyzmeti habarlady. «Qazaqstan Temir Joly» AQ basshylyǵy men Almaty oblysynyń ákimi Qanat Bozymbaev memorandýmǵa qoi qoidy. Sonymen birge kól jaǵalaýyna jolaýshy tasymaldaityn barlyq poiyzdardyń jaily bolýyna, sapalyq deńgeiin arttyrýǵa nazar aýdarylady. «Jolaýshy tasymaly» AQ-nyń barlyq vagondary jeldetýdiń zamanaýi jańa júiesimen qamtamasyz etilmek.

Kezdesýge qatysýshylar Alakól kóline jolaýshylar tasymaldaýdy uiymdastyrýǵa erekshe nazar aýdardy. Indet jaǵdaiyna qaramastan 2019-2021 jyldar aralyǵynda kýrorttyq aimaqtarǵa barǵan jolaýshylar legi 264% artqan. Ótken jylǵy 11 jazǵy marshrýtty (8 – «Jolaýshylar tasymaly» AQ, 3 – jeke tasymaldaýshylar) saqtai otyryp, 240 myńdai jolaýshy tasymaldaý josparlanǵan. Bul rette usynylǵan oryndardyń jalpy sany 340 myńnan asady. Sondai-aq bul baǵytqa «Talgo» júrdek poiyzyn shyǵaryp, kúnara júrgizý josparlanyp otyr. Jolaýshylarǵa jaily, bilet baǵasy qoljetimdi vagondar júrgizý úshin oblys ákimdigi tarapynan sýbsidiialaý máselesin sheshý qajet.
Vagondarda konditsioner men ystyq sý joq, basqa da jaǵdailar jasalmaǵan degen jolaýshylardyń shaǵymdaryna bailanysty oblys ákimi Qanat Bozymbaev «Qazaqstan temir joly» AQ ókilderimen birlesip jeke tasymaldaýshy kompaniialardyń vagondaryn attestatsiialaýdy usyndy. Endi árbir tasymaldaýshy poiyzdarynyń jaily bolýyna nazar aýdarýy tiis. Bul rette suranysqa sáikes kýpe tipti vagondar sany ulǵaitylady. «KTJ» kúshimen Aqshi, Kóktuma, Jalańashkól stansylary retke keltirildi, jolaýshylar platformasy uzartyldy, qorǵanys qalqandary ornatyldy.
Kezdesý sońynda Almaty oblysy ákimdigi men «QTJ» UK» AQ arasyndaǵy yntymaqtastyq týraly memorandýmmen bekitildi. Qujatta temir jol infraqurylymy jobalaryn iske asyrý, aimaqtaǵy júk tasymaly kólemin ulǵaitý, Alakól kóliniń týristik áleýetin arttyrý máseleleri qamtylǵan.
- Biz ekologiiaǵa ziianyn tigizbeitin indýstriiany damytýǵa ekpin túsiremiz. Atap aitqanda, mashina jasaý salasyn damytamyz. «QTJ-nyń» suranysyn bilsek, onda tiisti qural-jabdyqtardy shyǵarýǵa daiynbyz. Ol úshin investorlar tartamyz. Taldyqorǵanda osy salany damytý qajet. Bul ette bizge sizderdiń qoldaýlaryńyz kerek. Biz óz tarapymyzdan infraqurylymdyq jobalardy iske asyrýǵa, Alakól kóline jolaýshylar tasymaldaýdy sýbsidiialaýǵa tiisti kómek kórsetemiz. Jergilikti mazmundy damytý, turaqty jumys oryndaryn ashý – bul sizdermen birlesken isimizdiń tek alǵashqy jemisi ǵana, odan da kóp múmkindikterge jol ashylady, - dedi Q. Bozymbaev.
Alakól Qanat Bozymbaev Qazaqstan temir joly jolaýshy memorandým týristik Talgo konditsioner Madina Sádýaqasova

Oqi otyryńyz