الداعى تۋريستىك ماۋسىمدا الاكول باعىتىنا «تالگو» جۇردەك پويىزى جۇرەدى. بۇل تۋرالى الماتى وبلىسى اكىمىنىڭ باسپا ءسوز قىزمەتى حابارلادى. «قازاقستان تەمىر جولى» اق باسشىلىعى مەن الماتى وبلىسىنىڭ اكىمى قانات بوزىمبايەۆ مەموراندۋمعا قوي قويدى. سونىمەن بىرگە كول جاعالاۋىنا جولاۋشى تاسىمالدايتىن بارلىق پويىزداردىڭ جايلى بولۋىنا، ساپالىق دەڭگەيىن ارتتىرۋعا نازار اۋدارىلادى. «جولاۋشى تاسىمالى» اق-نىڭ بارلىق ۆاگوندارى جەلدەتۋدىڭ زاماناۋي جاڭا جۇيەسىمەن قامتاماسىز ەتىلمەك.

كەزدەسۋگە قاتىسۋشىلار الاكول كولىنە جولاۋشىلار تاسىمالداۋدى ۇيىمداستىرۋعا ەرەكشە نازار اۋداردى. ىندەت جاعدايىنا قاراماستان 2019-2021 جىلدار ارالىعىندا كۋرورتتىق ايماقتارعا بارعان جولاۋشىلار لەگى 264% ارتقان. وتكەن جىلعى 11 جازعى مارشرۋتتى (8 – «جولاۋشىلار تاسىمالى» اق، 3 – جەكە تاسىمالداۋشىلار) ساقتاي وتىرىپ، 240 مىڭداي جولاۋشى تاسىمالداۋ جوسپارلانعان. بۇل رەتتە ۇسىنىلعان ورىنداردىڭ جالپى سانى 340 مىڭنان اسادى. سونداي-اق بۇل باعىتقا «تالگو» جۇردەك پويىزىن شىعارىپ، كۇنارا جۇرگىزۋ جوسپارلانىپ وتىر. جولاۋشىلارعا جايلى، بيلەت باعاسى قولجەتىمدى ۆاگوندار جۇرگىزۋ ءۇشىن وبلىس اكىمدىگى تاراپىنان سۋبسيديالاۋ ماسەلەسىن شەشۋ قاجەت.
ۆاگونداردا كونديسيونەر مەن ىستىق سۋ جوق، باسقا دا جاعدايلار جاسالماعان دەگەن جولاۋشىلاردىڭ شاعىمدارىنا بايلانىستى وبلىس اكىمى قانات بوزىمبايەۆ «قازاقستان تەمىر جولى» اق وكىلدەرىمەن بىرلەسىپ جەكە تاسىمالداۋشى كومپانيالاردىڭ ۆاگوندارىن اتتەستاسيالاۋدى ۇسىندى. ەندى ءاربىر تاسىمالداۋشى پويىزدارىنىڭ جايلى بولۋىنا نازار اۋدارۋى ءتيىس. بۇل رەتتە سۇرانىسقا سايكەس كۋپە ءتيپتى ۆاگوندار سانى ۇلعايتىلادى. «كتج» كۇشىمەن اقشي، كوكتۇما، جالاڭاشكول ستانسىلارى رەتكە كەلتىرىلدى، جولاۋشىلار پلاتفورماسى ۇزارتىلدى، قورعانىس قالقاندارى ورناتىلدى.
كەزدەسۋ سوڭىندا الماتى وبلىسى اكىمدىگى مەن «قتج» ۇك» اق اراسىنداعى ىنتىماقتاستىق تۋرالى مەموراندۋممەن بەكىتىلدى. قۇجاتتا تەمىر جول ينفراقۇرىلىمى جوبالارىن ىسكە اسىرۋ، ايماقتاعى جۇك تاسىمالى كولەمىن ۇلعايتۋ، الاكول كولىنىڭ تۋريستىك الەۋەتىن ارتتىرۋ ماسەلەلەرى قامتىلعان.
- ءبىز ەكولوگياعا زيانىن تيگىزبەيتىن يندۋستريانى دامىتۋعا ەكپىن تۇسىرەمىز. اتاپ ايتقاندا، ماشينا جاساۋ سالاسىن دامىتامىز. «قتج-نىڭ» سۇرانىسىن بىلسەك، وندا ءتيىستى قۇرال-جابدىقتاردى شىعارۋعا دايىنبىز. ول ءۇشىن ينۆەستورلار تارتامىز. تالدىقورعاندا وسى سالانى دامىتۋ قاجەت. بۇل ەتتە بىزگە سىزدەردىڭ قولداۋلارىڭىز كەرەك. ءبىز ءوز تاراپىمىزدان ينفراقۇرىلىمدىق جوبالاردى ىسكە اسىرۋعا، الاكول كولىنە جولاۋشىلار تاسىمالداۋدى سۋبسيديالاۋعا ءتيىستى كومەك كورسەتەمىز. جەرگىلىكتى مازمۇندى دامىتۋ، تۇراقتى جۇمىس ورىندارىن اشۋ – بۇل سىزدەرمەن بىرلەسكەن ءىسىمىزدىڭ تەك العاشقى جەمىسى عانا، ودان دا كوپ مۇمكىندىكتەرگە جول اشىلادى، - دەدى ق. بوزىمبايەۆ.