Onyń basty sebebi de, óńir basshysy Amandyq Batalovtyń jiti baqylaýyna alǵandyǵynda.
Oblys ákiminiń tapsyrmasy aiasynda Alakól aýdanynynń áleýmettik-ekonomikalyq damýy týrasynda ótken baspasóz-máslihatynda, aimaqtyń áleýetin jaqsartýǵa úles qosyp otyrǵan biregei salanyń aiaq alysy jaiynda, alqaly jurttyń aldynda aýdan ákimi Almas Abdinov aityp berdi.
Osydan eki jyl buryn Alakóldiń ásemdigin kórmekke kelgen buqaranyń jalpy sany 1,5 mlnǵa jetken bolatyn. Ótken jyly el aýmaǵyndaǵy pandemiialyq ahýalǵa bailanysty 798 myń týrist aidyndy mekende demaldy. Al ústimizdegi jyly 1 mln. týrist kelip, quny 5 mlrd. 270 mln.teńgeniń saýyqtyrý qyzmeti kórsetiledi dep josparlanyp otyr.
Biylǵy jyly atalmysh sala da basymdylyq berilip otyrǵan baǵyt –ekotýrizm. Alakól jerinde de qarqyndy jumystar júzege asýda.
Sonyń bir dáleli Lepsi aýyldyq okrýginde 25 orynǵa laiyqtalǵan demalys aimaǵynyń qyzmet kórsetýi. Negizgi nysanaǵa ilingen týristik saladan túser túsimdi arttyrý úshin Alakólde «Jońǵar Alataýy «memlekettik ulttyq tabiǵi parkinde» 6 marshrýt ázirlenip, týristerdi qabyldaýǵa saqadai sai tur.
Sonymen qatar, aýdan ákimi Almas Abdinovtyń aitýynsha, biylǵy jyly kásipkerler esebinen 1310 oryndy 10 nysandy qoldanysqa berip, aýdan ekonomikasyna 3,6 mlrd.teńgeniń investitsiiasy tartý kózdelgen.
Týristerge qolaily jaǵdai jasaý maqsatynda demalys aimaǵyn ortalyqtandyrylǵan aýyz sý, káriz júieleri men jol qurylystary salynýda, jyl aiaǵyna deiin qoldanysqa berilmek.
«Táýligine 6,5 myń tekshe metr kanalizatsiialyq tazartý nysanynyń qurylysyna aǵymdaǵy jyly 3,5 mlrd.teńge qarastyrylyp jumystar jospar boiynsha atqarylyp, 2022 jyly paidalanýǵa beriledi. Jáne de Alakól kól jaǵalaýynyń 13,5 shaqyrymyna bekitý jumystary júrgizilýde»,-dedi aýdan ákimi Almas Abdinov.
Almaty oblysynyń soltústik-shyǵys bóliginde ornalasqan mekenge kelýshiler el aýmaǵynyń túkpir-túkpirinen, sondai-aq alys-jaqyn shet elderden de kelip jatady. Qiyr shetten at aryltyp kelemin deýshi týrister úshin áýejaidyń jumys istep turǵanyn eske salamyz. Dál osy áýe kemesi turaqtaityn Úsharal áýejaiynnyń jalpy quny 7,5 mlrd.teńgeni quraityn ushyp-qoný alańyn jáne azamattyq navigatsiialyq júielerin qaita jańǵyrtý jumystary bastalatyndyǵyn erekshe atap ótken jón. Nátijesinde áýe reiisteriniń sany artyp, kerim sulýlyqty kórýge kelýshiler sany da kóbeie túspek. Týrizmdi damytý – álemdik básekelestik keńistigine kirýdiń úlken múmkindigi ekenin esten shyǵarmaǵan abzal.
