ونىڭ باستى سەبەبى دە، ءوڭىر باسشىسى اماندىق باتالوۆتىڭ ءجىتى باقىلاۋىنا العاندىعىندا.
وبلىس اكىمىنىڭ تاپسىرماسى اياسىندا الاكول اۋدانىنىنڭ الەۋمەتتىك-ەكونوميكالىق دامۋى تۋراسىندا وتكەن ءباسپاسوز-ماسليحاتىندا، ايماقتىڭ الەۋەتىن جاقسارتۋعا ۇلەس قوسىپ وتىرعان بىرەگەي سالانىڭ اياق الىسى جايىندا، القالى جۇرتتىڭ الدىندا اۋدان اكىمى الماس ابدينوۆ ايتىپ بەردى.
وسىدان ەكى جىل بۇرىن الاكولدىڭ اسەمدىگىن كورمەككە كەلگەن بۇقارانىڭ جالپى سانى 1،5 ملنعا جەتكەن بولاتىن. وتكەن جىلى ەل اۋماعىنداعى پاندەميالىق احۋالعا بايلانىستى 798 مىڭ تۋريست ايدىندى مەكەندە دەمالدى. ال ۇستىمىزدەگى جىلى 1 ملن. تۋريست كەلىپ، قۇنى 5 ملرد. 270 ملن.تەڭگەنىڭ ساۋىقتىرۋ قىزمەتى كورسەتىلەدى دەپ جوسپارلانىپ وتىر.
بيىلعى جىلى اتالمىش سالا دا باسىمدىلىق بەرىلىپ وتىرعان باعىت –ەكوتۋريزم. الاكول جەرىندە دە قارقىندى جۇمىستار جۇزەگە اسۋدا.
سونىڭ ءبىر دالەلى لەپسى اۋىلدىق وكرۋگىندە 25 ورىنعا لايىقتالعان دەمالىس ايماعىنىڭ قىزمەت كورسەتۋى. نەگىزگى نىساناعا ىلىنگەن تۋريستىك سالادان تۇسەر ءتۇسىمدى ارتتىرۋ ءۇشىن الاكولدە «جوڭعار الاتاۋى «مەملەكەتتىك ۇلتتىق تابيعي پاركىندە» 6 مارشرۋت ازىرلەنىپ، تۋريستەردى قابىلداۋعا ساقاداي ساي تۇر.
سونىمەن قاتار، اۋدان اكىمى الماس ابدينوۆتىڭ ايتۋىنشا، بيىلعى جىلى كاسىپكەرلەر ەسەبىنەن 1310 ورىندى 10 نىساندى قولدانىسقا بەرىپ، اۋدان ەكونوميكاسىنا 3،6 ملرد.تەڭگەنىڭ ينۆەستيسياسى تارتۋ كوزدەلگەن.
تۋريستەرگە قولايلى جاعداي جاساۋ ماقساتىندا دەمالىس ايماعىن ورتالىقتاندىرىلعان اۋىز سۋ، كارىز جۇيەلەرى مەن جول قۇرىلىستارى سالىنۋدا، جىل اياعىنا دەيىن قولدانىسقا بەرىلمەك.
«تاۋلىگىنە 6،5 مىڭ تەكشە مەتر كاناليزاسيالىق تازارتۋ نىسانىنىڭ قۇرىلىسىنا اعىمداعى جىلى 3،5 ملرد.تەڭگە قاراستىرىلىپ جۇمىستار جوسپار بويىنشا اتقارىلىپ، 2022 جىلى پايدالانۋعا بەرىلەدى. جانە دە الاكول كول جاعالاۋىنىڭ 13،5 شاقىرىمىنا بەكىتۋ جۇمىستارى جۇرگىزىلۋدە»،-دەدى اۋدان اكىمى الماس ابدينوۆ.
الماتى وبلىسىنىڭ سولتۇستىك-شىعىس بولىگىندە ورنالاسقان مەكەنگە كەلۋشىلەر ەل اۋماعىنىڭ تۇكپىر-تۇكپىرىنەن، سونداي-اق الىس-جاقىن شەت ەلدەردەن دە كەلىپ جاتادى. قيىر شەتتەن ات ارىلتىپ كەلەمىن دەۋشى تۋريستەر ءۇشىن اۋەجايدىڭ جۇمىس ىستەپ تۇرعانىن ەسكە سالامىز. ءدال وسى اۋە كەمەسى تۇراقتايتىن ءۇشارال اۋەجايىننىڭ جالپى قۇنى 7،5 ملرد.تەڭگەنى قۇرايتىن ۇشىپ-قونۋ الاڭىن جانە ازاماتتىق ناۆيگاسيالىق جۇيەلەرىن قايتا جاڭعىرتۋ جۇمىستارى باستالاتىندىعىن ەرەكشە اتاپ وتكەن ءجون. ناتيجەسىندە اۋە رەيىستەرىنىڭ سانى ارتىپ، كەرىم سۇلۋلىقتى كورۋگە كەلۋشىلەر سانى دا كوبەيە تۇسپەك. ءتۋريزمدى دامىتۋ – الەمدىك باسەكەلەستىك كەڭىستىگىنە كىرۋدىڭ ۇلكەن مۇمكىندىگى ەكەنىن ەستەن شىعارماعان ابزال.
