Al 1 shildeden bastap Alakól jaǵalaýyndaǵy Aqshi aýylynda balalarǵa arnalǵan «Jalyn» lageri ashylady.
Jetisý oblysy ákimi Beibit Isabaevtyń aitýynsha, 2025 jylǵa deiin 21 jańa mektep salynady, onyń ishinde «Jaily mektep» Ulttyq jobasy sheńberinde 8700 oryndyq 10 mektep turǵyzylady, al 1800 oryndyq 2 mektep qurylysy Alakól aýdany Dostyq aýyly men Panfilov aýdany Jarkent qalasynda biyl bastalady.
Sol siiaqty jazǵy demalys saýyqtyrýmen oblysta qala syrtyndaǵy lagerlerde, mektep janyndaǵy qosymsha bilim berý uiymdarynda jáne ata-ana men demeýshiler qoldaýymen 103,3 myń bala qamtylady.
– Prezidenttiń Taldyqorǵan qalasynda iri sheteldik tehnologiialyq ýniversitettiń filialyn ashý týraly tapsyrmasy jastar úshin aitýly qýanyshty jańalyq boldy.
Qazirgi kezde filal ashý týraly kelisimshart Hajettep ýniversitetine Túrkiia Respýblikasynyń Joǵary bilim keńesimen kelisý úshin joldandy. Sonymen birge Taldyqorǵanda «Jetisu Digital» IT-haby quryldy. Munda belsendi jastardyń óz ideialaryn naqty biznes-jobalarǵa engizip, tabys tabýyna múmkindikteri bar, – dedi Beibit Isabaev.
