ال 1 شىلدەدەن باستاپ الاكول جاعالاۋىنداعى اقشي اۋىلىندا بالالارعا ارنالعان «جالىن» لاگەرى اشىلادى.
جەتىسۋ وبلىسى اكىمى بەيبىت يسابايەۆتىڭ ايتۋىنشا، 2025 جىلعا دەيىن 21 جاڭا مەكتەپ سالىنادى، ونىڭ ىشىندە «جايلى مەكتەپ» ۇلتتىق جوباسى شەڭبەرىندە 8700 ورىندىق 10 مەكتەپ تۇرعىزىلادى، ال 1800 ورىندىق 2 مەكتەپ قۇرىلىسى الاكول اۋدانى دوستىق اۋىلى مەن پانفيلوۆ اۋدانى جاركەنت قالاسىندا بيىل باستالادى.
سول سياقتى جازعى دەمالىس ساۋىقتىرۋمەن وبلىستا قالا سىرتىنداعى لاگەرلەردە، مەكتەپ جانىنداعى قوسىمشا ءبىلىم بەرۋ ۇيىمدارىندا جانە اتا-انا مەن دەمەۋشىلەر قولداۋىمەن 103،3 مىڭ بالا قامتىلادى.
![](/uploads/images/20240127154917868.jpg)
– پرەزيدەنتتىڭ تالدىقورعان قالاسىندا ءىرى شەتەلدىك تەحنولوگيالىق ۋنيۆەرسيتەتتىڭ فيليالىن اشۋ تۋرالى تاپسىرماسى جاستار ءۇشىن ايتۋلى قۋانىشتى جاڭالىق بولدى.
قازىرگى كەزدە فيلال اشۋ تۋرالى كەلىسىمشارت حاجەتتەپ ۋنيۆەرسيتەتىنە تۇركيا رەسپۋبليكاسىنىڭ جوعارى ءبىلىم كەڭەسىمەن كەلىسۋ ءۇشىن جولداندى. سونىمەن بىرگە تالدىقورعاندا «Jetisu Digital» IT-حابى قۇرىلدى. مۇندا بەلسەندى جاستاردىڭ ءوز يدەيالارىن ناقتى بيزنەس-جوبالارعا ەنگىزىپ، تابىس تابۋىنا مۇمكىندىكتەرى بار، – دەدى بەيبىت يسابايەۆ.