Onyń barlyǵy abattandandyrý men infraqurylym júiesin damytý boiynsha júrgizilgen keshendi baǵdarlamanyń nátijesi deýge boldy.
Búgingi tańda Alakól jaǵalaýynda óziniń Arbatymen, demalys keshenimen, sýburqaqtarymen jabdyqtalǵan tutas týristik qalashyq ósti. Týristerge elimizdiń tarihy men salt-dástúrindegi erekshe tustaryn tanytyp, qazaq halqyna degen qyzyǵýshylyqtaryn arttyrý maqsatynda biyl «Rýhani jańǵyrý» baǵdarlamasy boiynsha tarihi-ólketaný murajaiy ashylǵan bolatyn.
Murajai Qabanbai aýylyndaǵy Mádeniet úii ǵimaratynda ornalasqan. Ótken jyly Shyǵys Qazaqstan oblysynyń ákimi Danial Ahmetovtyń bastamasymen Alakólge jaqyn Qabanbai aýylynda Mádeniet úii salyndy.
Murajai Semei qalasy oblystyq tarihi-ólketaný murajaiynyń janynan ashylǵan bolatyn.
- Bul Alakól tarihyndaǵy biregei murajai. Jańa murajaidyń ózindik erekshelikteri bar. Bul týristerge rýhani keńistikti usynýdaǵy qadam. Alys jáne jaqyn shetel qonaqtary úshin elimizdiń tarihy men mádeni erekshelikterimen tanysýǵa múmkindik bar, - dep atap ótti Semei qalasynyń tarihi-ólketaný murajaiynyń direktory Qairat Sadyrbaev.
Jańa murajai jeti zaldan turady. Bizdiń dáýirimizge deiingi IV-III ǵasyrlarmen belgilengen patshanyń jáne hanshaiymnyń qalpyna keltirilgen beineleri sózsiz ortalyq eksponattar bolyp tabylady.
«Úrjar hanshaiymy», «Arheologiia» jáne «Shyǵys Qazaqstan oblysynyń qasietti oryndary», oblys tabiǵaty jáne taǵy basqa zaldar bar. Árbir zalda belgilengen taqyryptardyń mazmunyna bailanysty óziniń kompozitsiialyq qurylymy bar, olar zamanaýi tehnikalyq quraldarmen jabdyqtalǵan.
– Murajaidyń ashylýyna eki aidan astam ǵana ýaqyt ótti. Buǵan qaramastan, osy ýaqyt aralyǵyndaǵy kelýshilerdiń sany segiz myńnan asty. Kúnine 50-ge jýyq týristi qabyldaimyz. Sheteldik týrsterdiń murajaiǵa degen joǵary qyzýǵyshylyǵyn atap ótý kerek. Sonymen qatar aýdandyq, oblystyq mektep oqýshylaryna arnalǵan arnaiy ekskýrsiialar uiymdastyrylyp otyrady, - deidi murajai meńgerýshisi Áliia Januzaqova.
Búgingi tańda Shyǵys Qazaqstan oblys basshylyǵy tarapynan mádeni muramyzdy, ulttyq-rýhani qundylyǵymyzdy keńinen zerttep, nasihattaýǵa barynsha jaǵdai jasalýda. Shilikti men Berel qoryqtarynda, Ablaikit úńgirlerinde arheologiialyq zertteýler júrzilip, elimizdiń tarihi jádigerler sanyn arttyrýda.
Ásem Jylqysheva, Óskemen
