ونىڭ بارلىعى اباتتانداندىرۋ مەن ينفراقۇرىلىم جٷيەسٸن دامىتۋ بويىنشا جٷرگٸزٸلگەن كەشەندٸ باعدارلامانىڭ نەتيجەسٸ دەۋگە بولدى.
بٷگٸنگٸ تاڭدا الاكٶل جاعالاۋىندا ٶزٸنٸڭ ارباتىمەن, دەمالىس كەشەنٸمەن, سۋبۇرقاقتارىمەن جابدىقتالعان تۇتاس تۋريستٸك قالاشىق ٶستٸ. تۋريستەرگە ەلٸمٸزدٸڭ تاريحى مەن سالت-دەستٷرٸندەگٸ ەرەكشە تۇستارىن تانىتىپ, قازاق حالقىنا دەگەن قىزىعۋشىلىقتارىن ارتتىرۋ ماقساتىندا بيىل «رۋحاني جاڭعىرۋ» باعدارلاماسى بويىنشا تاريحي-ٶلكەتانۋ مۇراجايى اشىلعان بولاتىن.
مۇراجاي قابانباي اۋىلىنداعى مەدەنيەت ٷيٸ عيماراتىندا ورنالاسقان. ٶتكەن جىلى شىعىس قازاقستان وبلىسىنىڭ ەكٸمٸ دانيال احمەتوۆتىڭ باستاماسىمەن الاكٶلگە جاقىن قابانباي اۋىلىندا مەدەنيەت ٷيٸ سالىندى.
مۇراجاي سەمەي قالاسى وبلىستىق تاريحي-ٶلكەتانۋ مۇراجايىنىڭ جانىنان اشىلعان بولاتىن.
- بۇل الاكٶل تاريحىنداعى بٸرەگەي مۇراجاي. جاڭا مۇراجايدىڭ ٶزٸندٸك ەرەكشەلٸكتەرٸ بار. بۇل تۋريستەرگە رۋحاني كەڭٸستٸكتٸ ۇسىنۋداعى قادام. الىس جەنە جاقىن شەتەل قوناقتارى ٷشٸن ەلٸمٸزدٸڭ تاريحى مەن مەدەني ەرەكشەلٸكتەرٸمەن تانىسۋعا مٷمكٸندٸك بار, - دەپ اتاپ ٶتتٸ سەمەي قالاسىنىڭ تاريحي-ٶلكەتانۋ مۇراجايىنىڭ ديرەكتورى قايرات سادىرباەۆ.
جاڭا مۇراجاي جەتٸ زالدان تۇرادى. بٸزدٸڭ دەۋٸرٸمٸزگە دەيٸنگٸ IV-III عاسىرلارمەن بەلگٸلەنگەن پاتشانىڭ جەنە حانشايىمنىڭ قالپىنا كەلتٸرٸلگەن بەينەلەرٸ سٶزسٸز ورتالىق ەكسپوناتتار بولىپ تابىلادى.
«ٷرجار حانشايىمى», «ارحەولوگييا» جەنە «شىعىس قازاقستان وبلىسىنىڭ قاسيەتتٸ ورىندارى», وبلىس تابيعاتى جەنە تاعى باسقا زالدار بار. ەربٸر زالدا بەلگٸلەنگەن تاقىرىپتاردىڭ مازمۇنىنا بايلانىستى ٶزٸنٸڭ كومپوزيتسييالىق قۇرىلىمى بار, ولار زاماناۋي تەحنيكالىق قۇرالدارمەن جابدىقتالعان.
– مۇراجايدىڭ اشىلۋىنا ەكٸ ايدان استام عانا ۋاقىت ٶتتٸ. بۇعان قاراماستان, وسى ۋاقىت ارالىعىنداعى كەلۋشٸلەردٸڭ سانى سەگٸز مىڭنان استى. كٷنٸنە 50-گە جۋىق تۋريستٸ قابىلدايمىز. شەتەلدٸك تۋرستەردٸڭ مۇراجايعا دەگەن جوعارى قىزۋعىشىلىعىن اتاپ ٶتۋ كەرەك. سونىمەن قاتار اۋداندىق, وبلىستىق مەكتەپ وقۋشىلارىنا ارنالعان ارنايى ەكسكۋرسييالار ۇيىمداستىرىلىپ وتىرادى, - دەيدٸ مۇراجاي مەڭگەرۋشٸسٸ ەلييا جانۇزاقوۆا.
بٷگٸنگٸ تاڭدا شىعىس قازاقستان وبلىس باسشىلىعى تاراپىنان مەدەني مۇرامىزدى, ۇلتتىق-رۋحاني قۇندىلىعىمىزدى كەڭٸنەن زەرتتەپ, ناسيحاتتاۋعا بارىنشا جاعداي جاسالۋدا. شٸلٸكتٸ مەن بەرەل قورىقتارىندا, ابلايكيت ٷڭگٸرلەرٸندە ارحەولوگييالىق زەرتتەۋلەر جٷرزٸلٸپ, ەلٸمٸزدٸڭ تاريحي جەدٸگەرلەر سانىن ارتتىرۋدا.
ەسەم جىلقىشەۆا, ٶسكەمەن
