Pavlodarda telefon alaiaqtarynyń arbaýyna túsken eki zeinetker bank bólimshesine ishine petarda jasyrylǵan tort ákelip, ony iske qosqan. Saldarynan ózderi jeńil jaraqat alǵan, dep habarlaidy dalanews.kz.
Politsiianyń málimetinshe, atalǵan azamattar buǵan deiin de alaiaqtardyń qurbany bolyp, jinaǵan qarajatyn jalǵan investitsiialyq jobalarǵa salyp jibergen. Qazir bul is boiynsha tergeý júrgizilip jatyr. Quqyq qorǵaý organdary aqsha aýdarylǵan dropperlerdi anyqtap, olardy jaýapkershilikke tartý jumystaryn júrgizýde. Sondai-aq sot arqyly jábirlenýshilerdiń qarajatyn qaitarý sharalary qolǵa alynǵan.
Alaida araǵa ýaqyt salyp alaiaqtar zeinetkerlermen qaita bailanysqa shyqqan. Bul joly olar joǵalǵan aqshany qaitarýǵa kómektesetinin aityp sendirip, tort satyp alyp, onyń ishine petarda ornatýdy tapsyrǵan.
Alaiaqtardyń nusqaýyn buljytpai oryndaǵan zeinetkerler tortty bank bólimshesine aparyp, pirotehnikalyq qurylǵyny iske qosqan.
Oqiǵa saldarynan eki zeinetker jeńil jaraqat alǵan. Abyroi bolǵanda, basqa zardap shekkender joq.
Atalǵan faki boiynsha politsiia birneshe qylmystyq is qozǵady. Sonymen qatar quqyq qorǵaý organdary azamattardy ózin bank qyzmetkeri, politsiia nemese ózge memlekettik organ ókili retinde tanystyrǵan beitanys adamdardyń nusqaýlaryn oryndamaýǵa shaqyrdy.
