Jezqazǵandaǵy«Metallýrg» stadiony endi ÝEFA standartyna sai, - dep habarlaidy Dalanews.kz.
Jezqazǵandaǵy 6 myń jankúier siiatyn «Metallýrg» stadiony endi halyqaralyq talapqa tolyq sai.Fýtbol alańdaryn jańartý syndy bul igi bastamaǵa Qazaqstan fýtbol federatsiiasy ALAÑ jobasy aiasynda muryndyq bolǵan. Bul stadionyndaǵy jasyl alań sońǵy ret 14 jyl buryn jóndeýden ótken. Endi ALAÑ jobasy arqasynda italiialyq sapadaǵy tósenish tóseldi.
«Biz bir jyl ishinde elimiz boiynsha jańa 10 alańdy qoldanysqa berdik. ALAÑ - buqaralyq fýtboldy damytýǵa arnalǵan joba. Fýtbol oinaý arqyly balalarymyz áleýmettik jelilerden basyn tartady, densaýlyǵyn kóteredi, al óskeleń jas urpaqqa jaǵdai jasaý - bizdiń mindetimiz. Sondyqtan, elimizdiń fýtbolyn birge damytaiyq. El birligi arta bersin», - dedi QFF prezidenti Ádilet Barmenqulov.
Fýtbol alańdaryn jańartý aiasyndaǵy QFF-nyń ALAÑ jobasy 2023 jyly bastaý alǵan. Úsh jylǵa arnalǵan baǵdarlama ÝEFA-nyń qoldaýymen júzege asyrylady. Jobanyń basty seriktesi - 1XBET býkmekerlik kompaniiasy, al maqsaty - fýtbol infraqurylymyn damytyp, buqaralyq fýtboldy damytýǵa jaǵdai jasaý.
«60 jylǵa jýyq tarihy bar stadion ALAÑ baǵdarlamasy aiasynda jóndeldi. Memleket basshysy biylǵy Qazaqstan halqyna Joldaýynda buqaralyq sportty damytýǵa erekshe mán berip naqty tapsyrmalar berdi. Qazaqstan fýtbol federatsiiasynyń basshylyǵyna jáne ALAÑ jobasyna atqarylǵan úlken igi is úshin alǵys aitqym keledi. Jeńisti kúnderimiz kóp bolsyn!», - dedi Ulytaý oblysynyń ákimi Dastan Ryspekov.
Jalpy, ALAÑ jobasy boiynsha 2023-2025 jyldary respýblikamyzdaǵy 20 fýtbol alańyn jańartý josparda bar. Buǵan deiin elimizde Aqtóbe, Almaty, Shymkent, Petropavl, Óskemen, Aiagóz, Aqsý, Balqash qalalary men Jetisý oblysyndaǵy alańdar qoldanysqa berilgen bolatyn. Endi jyl sońyna deiin Qyzylorda, Atbasar, Saran qalasynda jasyl alańdy berý josparlanyp otyr.
