Qazaqstanda shyǵatyn matematika baǵytyndaǵy «Ál-Jábrdiń atasy» jýrnalynyń ózbek tilindegi nusqasy jaryq kórdi.
Basylymnyń bastaýynda QRUlttyq ǵylym akademiiasynyń vitse-prezidenti, akademikAsqar Jumadildaev tur. Matematika baǵytyndaǵy aǵartýshylyq basylymjarty jyldan beri qazaq tilinde turaqty shyǵyp turady. Endi shet memleketterden qyzyǵýshylyq artyp, ózge tilde basyp shyǵarý isi qolǵa alyndy.
«Ál-Jábr» deginimiz - algebra, al onyń negizin qalaýshy osydan 1200 jyldai buryn Aral teńizi mańynda ómir súrgen Ál-Horezmi. Ǵulamanyń sol zamanda matematika ilimine engizgen termin-uǵymdary búginge deiin qoldanylyp keledi. Keibiri tehnologiialyq progreske jol ashqan. Ǵalymdytutas Ortalyq Aziia halyqtary maqtan tutady. Ǵylymi-tanymdyq jýrnaldyń «Ál-Jábrdiń atasy» dep atalýy sondyqtan.
ASQAR JUMADILDAEV QR PREZIDENTI JANYNDAǴY ULTTYQ ǴYLYM AKADEMIIaSYNYŃ VITsE-PREZIDENTI
Bizdiń maqsat – uly atalarymyzdyń jolyn jalǵastyrý. Kezinde búkil álemniń damýyna ǵalamat úles qosqan Ortalyq Aziiadan shyqqan eki adam bolsa, sonyń biri -Ál-Horezmi. Ol ǵulamadan myna eki sózi qaldy: algebra jáne algoritm. Qarapaiym telefon,teledidar jáne tehnikanyń ózge de túrleri áýeli algoritmnen quralady.
Basylym negizinen balalarǵa arnalǵan. Mazmuny matematika jaily bolǵanymen, basqa da salalardy qamtidy. Orta jáne joǵary býyn oqýshylarynyń "Tai jarysy", "Qunan jarysy" jáne mektep ustazdarynyń "Dónen jarysy" atty olimpiadalyq tapsyrmalar taraýy bar. Jýrnaldyń ózbekshe nusqasy qazaq tilindegi jýrnalmen qatar jaryq kórip turady. Basylymnyń Tashkentte ótken tanystyrylymyna Ózbekstan ǵylym akademiiasynyń ókilderi de qatysyp, shyǵarmashylyq topqa alǵysyn bildirdi.
GÚLSANAM TILLAEVA ÓR ǴYLYM AKADEMIIaSY JAS ǴALYMDAR KEŃESI TÓRAǴASYNYŃ ORYNBASARY
Bul jýrnaldyń ózbek tilinde jaryq kórýin qazaq-ózbek ǵalymdary arasyndaǵy ózara yntymaqtastyq pen dostyqtyń jarqyn kórinisi dep aitýǵa bolady. «Ál-Jábirdiń atasy» jýrnalynyń shyǵýyna eki eldiń ǵylym akademiialary, tiisti ministrlikteri men jas ǵalymdary qyzyǵýshylyq bildirdi, úles qosty. Aldaǵy ýaqytta onyń mazmuny tereńdep, oqyrmanyn jańa bilimmen sýsyndatady degen úmittemiz.
Jýrnaldyń shyǵýyna qazaqstandyq QalanEdtechkompaniiasy qoldaý kórsetken. Bul mekeme elimizde ǵana emes, Ózbekstanǵa da keń qoldanylyp júrgen matematikany onlain oqytý platformasyn jasap shyǵarǵan. Qazir jobaeki jaqqa da tiimdi yntymaqtastyqtyń jarqyn úlgisine ainalyp keledi.
ASQAR JUMADILDAEV QR PREZIDENTI JANYNDAǴY ULTTYQ ǴYLYM AKADEMIIaSYNYŃ VITsE-PREZIDENTI
Bul jýrnaldy shyǵarýǵa demeýshi bolǵan - meniń stýdentterim. Qalan jobasy kezinde menen matematika boiynsha birneshe keńes suraǵan edi. Sol kezde biler aqylymdy aitqanmyn, sol nátijeli bolsa kerek, qazir ol stýdentterim úlken jetisikke jetip jatyr.Meniń baiqaýymsha, ózbek jastary, qazaq jastary arasynda úlken uqsastyq bar. Oqý, bilim, ǵylym júiesi jáne minez-qulyq. Bizdegi problema bularda da bar, bulardaǵy problema bizde de bar. Sol sebeptiQalan-ǵa jáne «Ál-Jábrdiń atasyna» qyzyǵýshylyq úlken ekenin baiqadyq.
Belgili matematik atalǵan jýrnaldyń ózbek tilindegi nusqasyn oqityn jastardyń qatary kóp bolaryna senimdi. Kórshi el ǵalymdary da osyndai pikirde.Olardyń aitýynsha, basylym ózbekstandyq bilimge qushtar búldirshinderdiń sanasyna serpilis jasaýy múmkin.
