قازاقستاندا شىعاتىن ماتەماتيكا باعىتىنداعى «ءال-جابردىڭ اتاسى» جۋرنالىنىڭ وزبەك تىلىندەگى نۇسقاسى جارىق كوردى.
باسىلىمنىڭ باستاۋىندا قرۇلتتىق عىلىم اكادەمياسىنىڭ ۆيسە-پرەزيدەنتى، اكادەميكاسقار جۇمادىلدايەۆ تۇر. ماتەماتيكا باعىتىنداعى اعارتۋشىلىق باسىلىمجارتى جىلدان بەرى قازاق تىلىندە تۇراقتى شىعىپ تۇرادى. ەندى شەت مەملەكەتتەردەن قىزىعۋشىلىق ارتىپ، وزگە تىلدە باسىپ شىعارۋ ءىسى قولعا الىندى.
«ءال-جابر» دەگىنىمىز - الگەبرا، ال ونىڭ نەگىزىن قالاۋشى وسىدان 1200 جىلداي بۇرىن ارال تەڭىزى ماڭىندا ءومىر سۇرگەن ال-حورەزمي. عۇلامانىڭ سول زاماندا ماتەماتيكا ىلىمىنە ەنگىزگەن تەرمين-ۇعىمدارى بۇگىنگە دەيىن قولدانىلىپ كەلەدى. كەيبىرى تەحنولوگيالىق پروگرەسكە جول اشقان. عالىمدىتۇتاس ورتالىق ازيا حالىقتارى ماقتان تۇتادى. عىلىمي-تانىمدىق جۋرنالدىڭ «ءال-جابردىڭ اتاسى» دەپ اتالۋى سوندىقتان.
اسقار جۇمادىلدايەۆ ق ر پرەزيدەنتى جانىنداعى ۇلتتىق عىلىم اكادەمياسىنىڭ ۆيسە-پرەزيدەنتى
ءبىزدىڭ ماقسات – ۇلى اتالارىمىزدىڭ جولىن جالعاستىرۋ. كەزىندە بۇكىل الەمنىڭ دامۋىنا عالامات ۇلەس قوسقان ورتالىق ازيادان شىققان ەكى ادام بولسا، سونىڭ ءبىرى -ال-حورەزمي. ول عۇلامادان مىنا ەكى ءسوزى قالدى: الگەبرا جانە الگوريتم. قاراپايىم تەلەفون،تەلەديدار جانە تەحنيكانىڭ وزگە دە تۇرلەرى اۋەلى الگوريتمنەن قۇرالادى.
باسىلىم نەگىزىنەن بالالارعا ارنالعان. مازمۇنى ماتەماتيكا جايلى بولعانىمەن، باسقا دا سالالاردى قامتيدى. ورتا جانە جوعارى بۋىن وقۋشىلارىنىڭ "تاي جارىسى"، "قۇنان جارىسى" جانە مەكتەپ ۇستازدارىنىڭ "دونەن جارىسى" اتتى وليمپيادالىق تاپسىرمالار تاراۋى بار. جۋرنالدىڭ وزبەكشە نۇسقاسى قازاق تىلىندەگى جۋرنالمەن قاتار جارىق كورىپ تۇرادى. باسىلىمنىڭ تاشكەنتتە وتكەن تانىستىرىلىمىنا وزبەكستان عىلىم اكادەمياسىنىڭ وكىلدەرى دە قاتىسىپ، شىعارماشىلىق توپقا العىسىن ءبىلدىردى.
گۇلسانام تيللايەۆا ءور عىلىم اكادەمياسى جاس عالىمدار كەڭەسى ءتوراعاسىنىڭ ورىنباسارى
بۇل جۋرنالدىڭ وزبەك تىلىندە جارىق كورۋىن قازاق-وزبەك عالىمدارى اراسىنداعى ءوزارا ىنتىماقتاستىق پەن دوستىقتىڭ جارقىن كورىنىسى دەپ ايتۋعا بولادى. «ءال-جابىردىڭ اتاسى» جۋرنالىنىڭ شىعۋىنا ەكى ەلدىڭ عىلىم اكادەميالارى، ءتيىستى مينيسترلىكتەرى مەن جاس عالىمدارى قىزىعۋشىلىق ءبىلدىردى، ۇلەس قوستى. الداعى ۋاقىتتا ونىڭ مازمۇنى تەرەڭدەپ، وقىرمانىن جاڭا بىلىممەن سۋسىنداتادى دەگەن ۇمىتتەمىز.
جۋرنالدىڭ شىعۋىنا قازاقستاندىق QalanEdtechكومپانياسى قولداۋ كورسەتكەن. بۇل مەكەمە ەلىمىزدە عانا ەمەس، وزبەكستانعا دا كەڭ قولدانىلىپ جۇرگەن ماتەماتيكانى ونلاين وقىتۋ پلاتفورماسىن جاساپ شىعارعان. ءقازىر جوباەكى جاققا دا ءتيىمدى ىنتىماقتاستىقتىڭ جارقىن ۇلگىسىنە اينالىپ كەلەدى.
اسقار جۇمادىلدايەۆ ق ر پرەزيدەنتى جانىنداعى ۇلتتىق عىلىم اكادەمياسىنىڭ ۆيسە-پرەزيدەنتى
بۇل جۋرنالدى شىعارۋعا دەمەۋشى بولعان - مەنىڭ ستۋدەنتتەرىم. Qalan جوباسى كەزىندە مەنەن ماتەماتيكا بويىنشا بىرنەشە كەڭەس سۇراعان ەدى. سول كەزدە بىلەر اقىلىمدى ايتقانمىن، سول ناتيجەلى بولسا كەرەك، ءقازىر ول ستۋدەنتتەرىم ۇلكەن جەتىسىككە جەتىپ جاتىر.مەنىڭ بايقاۋىمشا، ءوزبەك جاستارى، قازاق جاستارى اراسىندا ۇلكەن ۇقساستىق بار. وقۋ، ءبىلىم، عىلىم جۇيەسى جانە مىنەز-قۇلىق. بىزدەگى پروبلەما بۇلاردا دا بار، بۇلارداعى پروبلەما بىزدە دە بار. سول سەبەپتىQalan-عا جانە «ءال-جابردىڭ اتاسىنا» قىزىعۋشىلىق ۇلكەن ەكەنىن بايقادىق.
بەلگىلى ماتەماتيك اتالعان جۋرنالدىڭ وزبەك تىلىندەگى نۇسقاسىن وقيتىن جاستاردىڭ قاتارى كوپ بولارىنا سەنىمدى. كورشى ەل عالىمدارى دا وسىنداي پىكىردە.ولاردىڭ ايتۋىنشا، باسىلىم وزبەكستاندىق بىلىمگە قۇشتار بۇلدىرشىندەردىڭ ساناسىنا سەرپىلىس جاساۋى مۇمكىن.
