Almatyda ál-Farabi dańǵylyndaǵy jol apatynda qaza tapqan qyzdyń sońǵy videosy jariialandy, dep habarlaidy Dalanews.kz.
Eldiń nazaryn aýdarǵan isti advokat Meiirman Shekeev óz qolyna alǵan. Ol marqumnyń sońǵy videosyn da jariialady.
"Jol apatynan qaitys bolǵan qaryndasymyzdyń aǵasy kómekke júginip, bul isti óz óndirisime aldym. Qumar sońǵy kúni úiden shyqqanda iti birnárseni sezgendei kóliginiń aldyna turyp alyp, jibermei qoiǵan eken. Áreń degende shyǵyp ketken eken. Aǵasynyń aitýynsha, birneshe saǵattan keiin qaryndasynan aiyrylypty. Bul oqiǵa kóptiń qabyrǵasyn qaiystyrǵan soń tegin kómek berýge bel býdym. Óitkeni bul - bir otbasynyń emes, qoǵamnyń qaiǵysy. Qumardyń anasynyń jaǵdaiyn kórý maǵan ońai bolmady. Qumardyń aǵasy "kúdiktini keshirmeimin, sebebi keshirsem ol basqa da adamnyń ómirin qiiýy múmkin ǵoi" degendi jetkizdi. Bul durys sheshim dep oilaimyn", - dedi zańger.
Eske salaiyq, qaiǵyly oqiǵa 21 naýryzda Almatyda ál-Farabi dańǵylynda boldy. Jol apaty saldarynan úsh adam kóz jumdy.
Keiinirek ál-Farabi dańǵylynda bolǵan jol apaty boiynsha qylmystyq ister qozǵaldy.
